ព័ត៌មានជាតិ
រដ្ឋសភាព្រមានពិភពលោកពីភាពគ្រោះថ្នាក់បើនៅតែមិនអើពើចំពោះការអនុវត្ត «ច្បាប់ព្រៃ» របស់ថៃ
រដ្ឋសភាកម្ពុជាបានអំពាវនាវដល់សហគមន៍អន្តរជាតិ អង្គការសហប្រជាជាតិ និងសភានានាជុំវិញពិភពលោកឱ្យដាក់សម្ពាធលើប្រទេសថៃឱ្យបញ្ឈប់ប្រតិបត្តិការយោធាទាំងអស់លើដីកម្ពុជា ដោយថាការមិនអើពើចំពោះសកម្មភាពនេះគឺស្មើនឹងការទទួលស្គាល់នូវគំរូដ៏អាក្រក់នៃការអនុវត្តន៍ច្បាប់ព្រៃ ដែល «អ្នកខ្លាំងគឺឈ្នះ»។
ក្នុងញត្តិថ្កោលទោសចុះថ្ងៃទី២៤ ខែធ្នូ រដ្ឋសភាកម្ពុជា ថាប្រតិបត្តិការយោធាថៃលើដីកម្ពុជាតាំងពីថ្ងៃទី៧ ខែធ្នូ មកបានសម្លាប់ជីវិតពលរដ្ឋខ្មែរ បង្កការភិតភ័យដល់ពលរដ្ឋឱ្យរត់ភៀសសឹកជាង៦០ម៉ឺននាក់ និងបំផ្លាញហេដ្ឋារចនាសម្ព័ន្ធ សាលារៀន វត្តអារាម សម្បត្តិបេតិកភណ្ឌពិភពលោក ប្រាសាទបុរាណជាដើម។ រដ្ឋសភាបានហៅសកម្មភាពទាំងនេះគឺជាឧក្រិដ្ឋកម្មប្រឆាំងមនុស្សជាតិដែលត្រូវមានការថ្កោលទោសជាដាច់ខាត។
ក្នុងញត្តិនោះសរសេរថា៖ «ថ្ងៃនេះកម្ពុជារងការឈ្លានពានយ៉ាងធ្ងន់ធ្ងរពីសំណាក់ប្រទេសជិតខាង ដែលមានទំហំធំជាង និងមានកម្លាំងយោធាខ្លាំងជាង។ ប្រសិនបើពិភពលោកធ្វើព្រងើយកន្ដើយ មិនអើពើ គឺស្មើនឹងការទទួលស្គាល់នូវគំរូដ៏អាក្រក់នៃការជំរុញការអនុវត្តច្បាប់ព្រៃ «អ្នកខ្លាំងគឺឈ្នះ»។ ប្រសិនបើច្បាប់ព្រៃត្រូវបានអនុវត្តក្នុងតំបន់អាស៊ីអាគ្នេយ៍នៅថ្ងៃនេះ នោះនឹងមិនមានប្រទេសតូចណាមួយលើលោកមានសុវត្ថិភាពនាពេលអនាគតឡើយ»។
ប្រទេសថៃបានបើកការវាយប្រហារលើកម្ពុជានៅថ្ងៃទី៧ ខែធ្នូ ដោយប្រើប្រាស់អាវុធគ្រប់ប្រភេទ ព្រមទាំងយន្តហោះចម្បាំងទម្លាក់គ្រាប់បែកផងដែរ។ តាមរបាយការណ៍ក្រសួងមហាផ្ទៃគិតត្រឹមល្ងាចថ្ងៃទី២៤ ខែធ្នូ ឆ្នាំ២០២៥ អំពើឈ្លានពានរបស់ថៃបានសម្លាប់ពលរដ្ឋខ្មែរ៣០នាក់ បង្ករបួស៨៧នាក់ និងបណ្ដាលឱ្យមានជនភៀសសឹកសរុបជាង៦៣ម៉ឺននាក់ ក្នុងនោះស្ត្រីជាង៣៣ម៉ឺននាក់ និងកុមារជាង២០ម៉ឺននាក់។
ក្នុងពេលដែលកំពុងទប់ស្កាត់ការឈ្លានពាននេះរដ្ឋាភិបាលកម្ពុជាបានប្រកាសជាបន្តបន្ទាប់អំពាវនាវឱ្យអន្តរជាតិជួយពន្លត់ភ្លើងសង្គ្រាមនេះ វិលត្រលប់ទៅរកការដោះស្រាយជម្លោះព្រំដែនដោយសន្តិវិធី តាមច្បាប់អន្តរជាតិ សន្ធិសញ្ញាមិត្តភាព និងសហប្រតិបត្តិការឡើងវិញ៕
អត្ថបទដោយ ហ៊ុន សិរីវឌ្ឍន៍
-
កីឡា១ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៣ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៦ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៧ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៧ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ
-
ព័ត៌មានអន្ដរជាតិ១ សប្តាហ៍ agoតម្លៃប្រេងអន្តរជាតិស្ទុះងើបឡើងវិញ ក្រោយអាមេរិកបើកការវាយប្រហារថ្មីប្រឆាំងអ៊ីរ៉ង់