វ៉េណេស៊ុយអេឡា តែងតាំងប្រធានាធិបតីថ្មី ជំនួសលោក ម៉ាឌូរ៉ូ

សភាធម្មនុញ្ញនៃតុលាការកំពូលវ៉េណេស៊ុយអេឡាកាលពីថ្ងៃសៅរ៍ទី៣មករា បានបញ្ជាឲ្យអនុប្រធានាធិបតី Delcy Rodríguez ទទួលយកតួនាទីជាប្រធានាធិបតីស្តីទីនៃប្រទេសក្នុងករណីអវត្តមានលោក Nicolás Maduro ដែលកំពុងឃុំខ្លួន ក្រោយពេលប្រតិបត្តិការពីកងកម្លាំងសហរដ្ឋអាមេរិកនៅក្នុងថ្ងៃដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាថ្ងៃទី ៤ ខែមករា ឆ្នាំ ២០២៦ សារព័ត៌មាន Reuters បានចុះផ្សាយដោយលើកយកសេចក្តីសម្រេចរបស់តុលាការនិយាយថា «លោកស្រី Rodríguez នឹងទទួលបន្ទុកក្នុងតំណែងជាប្រធានាធិបតីនៃសាធារណរដ្ឋបូលីវ៉ារៀ (Bolivarian) នៃប្រទេសវ៉េណេស៊ុយអេឡា ដើម្បីធានាបាននូវនិរន្តរភាពរដ្ឋបាល កាតព្វកិច្ច និងការការពារដ៏ទូលំទូលាយក្នុងប្រទេសជាតិ»។

សេចក្តីសម្រេចនេះបានបញ្ចាក់បន្ថែមទៀតថា តុលាការនឹងពិភាក្សាអំពីបញ្ហានេះ ដើម្បីកំណត់ក្របខ័ណ្ឌច្បាប់ដែលអាចអនុវត្តបាន ដើម្បីធានាបាននូវនិរន្តរភាពនៃរដ្ឋ ការគ្រប់គ្រងរដ្ឋាភិបាល និងការការពារអធិបតេយ្យភាព ក្នុងការប្រឈមមុខនឹងអវត្តមានដោយបង្ខំរបស់ប្រធានាធិបតីនៃសាធារណរដ្ឋ។

ជាចុងក្រោយនេះ ចៅក្រមបានបញ្ឈប់ការប្រកាសថា លោក Maduro អវត្តមានពីតំណែងជាប្រធានាធិបតីអចិន្ត្រៃយ៍ ដែលជាសេចក្តីសម្រេចត្រូវតម្រូវឲ្យប្រទេសវ៉េណេស៊ុយអេឡា រៀបចំការបោះឆ្នោតក្នុងរយៈពេល ៣០ ថ្ងៃ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

កូរ៉េខាងជើង បាញ់មីស៊ីលផ្លោងច្រើនគ្រាប់ ចំពេលត្រាំចាប់ខ្លួនលោកម៉ាឌូរ៉ូ