រដ្ឋបាលខណ្ឌមានជ័យ ចុះកាត់សំយ៉ាបដែលអាជីរវករសង់លើចិញ្ចើមផ្លូវតាមបណ្តោយ ២១៧

កម្លាំងគណៈបញ្ជាការឯកភាពខណ្ឌមានជ័យ ចុះកាត់សំយ៉ាបអាជីរករដែលសង់រំលោភផ្លូវសាធារណៈ នឹងលក់ដូរលើចិញ្ចើមផ្លូវ ធើ្វអោយប៉ះសណ្ដាប់ធ្នាប់សាធារណៈ បង្កអោយមានការកក់ស្ទះផងដែរ។

ជាក់ស្តែងកាលពីថ្ងៃទី ១៨ ខែមករា ឆ្នាំ២០២៦ លោក សេង គន្ធ អភិបាល នៃគណៈអភិបាលខណ្ឌមានជ័យ ដឹកនាំគណៈបញ្ជាការឯកភាពខណ្ឌមានជ័យ ចុះរៀបចំសណ្តាប់ធ្នាប់ តាមបណ្តោយផ្លូវលេខ ២១៧ និងកាត់សំយាប ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

លោក សេង គន្ធ អភិបាលខណ្ឌមានជ័យ បានអោយដឹងថា ដោយមានការណែនាំរបស់ លោក ឃួង ស្រេង អភិបាលនៃគណៈអភិបាល រាជធានីភ្នំពេញ លោកតែងតែចុះរៀបចំសណ្តាប់ធ្នាប់ជាប្រចាំ ក៏ដូចជាបន្តការអនុវត្ត ចំពោះក្រុមអាជីវករលក់ដូរទំនិញ បន្លែ ត្រី-សាច់ ផ្សេងៗ នៅលេីចិញ្ចេីមផ្លូវ នៅតាមបណ្ដោយផ្លូវ២១៧ ដើម្បីឱ្យមានរបៀបរៀបរយ មានសណ្តាប់ធ្នាប់ល្អ នឹងមានសោភ័ណ្ឌភាព មិនធ្វើឱ្យប៉ះពាល់ដល់ចរាចរណ៍សាធារណៈ។

ជាចុងក្រោយ លោក សេងគន្ធ អភិបាលខណ្ឌមានជ័យ សំណូមពរដល់ប្រជាពលរដ្ឋ ដែលប្រកបអាជីវកម្ម នៅអមសងខាងផ្លូវលេខ ២១៧ លក់ដូរទាំងអស់ សូមចូលរួមសហការជាមួយ អាជ្ញាធរ ដើម្បីអោយមានសណ្តាប់ធ្នាប់ដងផ្លូវ អាចជួយបានច្រើន ក្នុងការកាត់បន្ថយចរាចរណ៍ផងដែរ៕ អត្ថបទ ៖ រដ្ឋា