កីឡា
កីឡាការិនី កឹម រតនា លំបាកខ្លាំង និងមានការប្រកួតប្រជែងខ្ពស់ទម្រាំឈ្នះមេដាយឆ្នាំនេះ
កីឡាការិនីប៉េតង់របស់ក្រសួងមហាផ្ទៃ កឹម រតនា ថានៅឆ្នាំនេះលំបាក និងមានការប្រកួតប្រជែងខ្លាំងទម្រាំអាចឈ្នះមេដាយមាស វិញ្ញាសា ១ទល់១ នៃព្រឹត្តិការណ៍ជ្រើសរើសជើងឯកថ្នាក់ជាតិ ឆ្នាំ២០២៥ ដែលសហព័ន្ធទើបតែបញ្ចប់កាលពីពេលថ្មីៗនេះ។
កីឡាការិនី កឹម រតនា
កឹម រតនា បានឲ្យដឹងថា ការប្រកួតប្រជែងជើងឯកថ្នាក់ជាតិឆ្នាំនេះគឺតឹងតែខ្លាំង ពោលមានអតីតជម្រើសជាតិផង និងមានជម្រើសជាតិកំពុងហ្វឹកហាត់ជាមួយគ្នាផង។ ឆ្នាំនេះទៀតសោតវិញ្ញាសា ១ទល់១ នេះក៏មានអ្នកចូលរួមលេងច្រើនរហូតដល់ទៅ ១៦នាក់ឯណោះ ដូច្នេះការប្រកួតត្រូវបន្តរហូតពេញមួយថ្ងៃ និងបានសម្រាកតែពេលអាហារថ្ងៃត្រង់ប៉ុណ្ណោះ។
ទិដ្ឋភាពអំឡុងការប្រកួត
កីឡាការិនីតំណាងឲ្យក្រសួងមហាផ្ទៃរូបនេះបន្ថែមទៀតថា ទម្រាំឈ្នះមេដាយមាសថ្នាក់ជាតិនេះគឺត្រូវឆ្លងកាត់ ៦ប្រកួតក្នុងនោះ ៣ប្រកួតក្នុងពូល និង ៣ប្រកួតទៀតដល់វគ្គផ្ដាច់ព្រ័ត្រ។ ដោយសារតែប៉ះភាគច្រើនជាអតីតជម្រើសជាតិ និងជម្រើសជាតិផងការលេងគឺមានភាពតឹងតែងខ្លាំងពីមួយប្រកួតទៅមួយប្រកួត ព្រោះម្នាក់ៗមានសមត្ថភាពល្អ ធ្លាប់ដឹងពីចំណុចខ្លាំង ចំណុចខ្សោយគ្នាទៅវិញទៅមកទៀត។
កីឡាការិនីវ័យ ២៦ឆ្នាំរូបនេះ សម្ដែងនូវការសប្បាយរីករាយជាខ្លាំងក្រោយប្រជែងបានមេដាយមាសយ៉ាងលំបាក។ មេដាយមាសនេះផងដែររូបគេចាត់ទុកជាការតបស្នងសងគុណដល់អង្គភាពកីឡាកីឡាក្រសួងមហាផ្ទៃផងដែរដែលបានផ្តល់ជាក្របខ័ណ្ឌដល់ខ្លួន និងការលើកទឹកចិត្តកន្លងមករាល់ស្នាដៃដែលធ្វើបាន។
ទិដ្ឋភាពអំឡុងការប្រកួត
បញ្ជាក់ដែរថា កឹម រតនា ជាកីឡាការិនីតំណាងឲ្យក្រសួងមហាផ្ទៃដែលបានចូលរួមប្រកួតប្រជែងក្នុងព្រឹត្តិការណ៍ជ្រើសរើសជើងឯកថ្នាក់ជាតិ ឆ្នាំ២០២៥ ដែលទើបបញ្ចប់ទៅកាលពីថ្ងៃទី៣០ ខែមករា ២០២៦ ទីលានពហុកីឡដ្ឋានជាតិ។ រូបគេបានប្រកួតឈ្នះមេដាយមាស លើវិញ្ញាសា ១ទល់១ នារីអាយុ ១៨ឆ្នាំឡើង៕
កីឡាការិនី កឹម រតនា ពេលបំពាក់មេដាយមាស
អត្ថបទដោយ៖ នួន ស៊ីណា
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង