កីឡា

សហព័ន្ធបាល់ទះ បានកំណត់យកពេលវេលាច្បាស់លាស់ប្រកួតពានរង្វាន់ ក្រឡាហោម នៅឆ្នាំក្រោយៗ

បានផុស

៥ ខែ មុន

នៅ

ថ្ងៃព្រហស្បតិ៍ ៥ មីនា ២០២៦

ដោយ

តំណាងសហព័ន្ធកីឡាបាល់ទះកម្ពុជា បញ្ជាក់ថាពានរង្វាន់សម្ដេច ក្រឡាហោម បានកំណត់ពេលវេលាជាក់លាក់ហើយគឺនឹងត្រូវប្រកួតជារៀងរាល់ខែកុម្ភៈដើមឆ្នាំតែម្ដងដើម្បីផ្ដល់ភាពងាយស្រួលដល់បណ្ដាក្លឹបផ្សេងៗបានត្រៀមខ្លួនឲ្យបានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អាំង សិរីពិសិដ្ឋ

លោក អាំង សិរីពិសិដ្ឋ អនុប្រធានសហព័ន្ធកីឡាបាល់ទះកម្ពុជា សហព័ន្ធនឹងធ្វើកាលវិភាពប្រកួត ឬហៅថាកម្មវិធីពានឲ្យមានពេលវេលាច្បាស់ជាក់លាក់ជូនទៅបណ្ដាក្លឹបទាំងអស់នៅតាមរាជធានី-ខេត្ត ដើម្បីឲ្យម្នាក់ៗត្រៀមខ្លួនបានល្អមុនការប្រកួត។ ក្លឹបមានលទ្ធភាពប្រមូលផ្ដុំកីឡាករបានយូរ និងអាចនាំយកកីឡាករផ្សេងៗតាមលទ្ធភាព ឬតាមពេលវេលារបស់ខ្លួន។

ដូច្នេះពានរង្វាន់សម្ដេច ក្រឡាហោម នឹងរៀបចំរៀងរាល់ខែកុម្ភៈនៅឆ្នាំចាប់ពីឆ្នាំក្រោយនេះទៅ។ ការកំណត់ពេលវេលាជាក់លាក់នេះគឺបានផ្ដល់ភាពងាយស្រួលដល់បណ្ដាក្លឹបដើម្បីត្រៀមខ្លួនរៀបចំកីឡាករទៅតាមពានរង្វាន់ ឬការប្រកួតដែលខ្លួនគិតថានឹងអាចចូលរួមបាន ឬមិនបានផងដែរ។ លោកជឿជាក់ថាការកំណត់ពេលវេលានៃការប្រកួតពានផ្សេងៗនេះនឹងធ្វើឲ្យការប្រកួតរឹតតែជក់ចិត្ត និងមានការប្រកួតប្រជែងគ្នាកាន់តែខ្ពស់។

ពិធីប្រគល់ពានសម្ដេច ក្រឡាហោម

បញ្ជាក់ដែរថា ពានរង្វាន់សម្ដេចក្រឡាហោម លើកទី៤ ដែលទើបនិងបញ្ចប់ទៅនេះគឺធ្វើរយៈពេលប្រហែលមួយខែគឺចាប់ពីថ្ងៃទី៧ កុម្ភៈ ដល់ថ្ងៃទី១ ខែមីនា ឆ្នាំ២០២៦ ដោយបានរៀបចំឆ្លងខែផងដែរ។ យ៉ាងណាដើម្បីជាភាពងាយស្រួលដល់បណ្ដាក្លឹបសហព័ន្ធបញ្ជាក់ហើយនៅឆ្នាំក្រោយៗពានរង្វាន់នេះនឹងធ្វើរៀបចំរៀងរាល់ខែកុម្ភៈតែម្ដង៕

អត្ថបទដោយ៖ នួន ស៊ីណា