កីឡា

អធិជ័យ ច័ន្ទរាជ្យ នាំពានរង្វាន់លើកទី១ ចូលក្លឹបក្នុងអាជីពប្រដាល់ និងមិនភ្លេចគុណលោក ហ៊ុន ច័ន្ទរាជ្យ

បានផុស

២ ខែ មុន

នៅ

ថ្ងៃចន្ទ ២៥ ឧសភា ២០២៦

ដោយ

កីឡាករ អធិជ័យ ច័ន្ទរាជ្យ បង្ហាញអារម្មណ៍ត្រេកអរជាខ្លាំងក្រោយឈ្នះពានរង្វាន់លើកទី១ ក្នុងអាជីពប្រដាល់រយៈពេល ៤-៥ឆ្នាំកន្លងមកនេះ និងមិនភ្លេចឡើយគុណបំណាច់លោក ហ៊ុន ច័ន្ទរាជ្យ ដែលបានបង្ហាត់បង្រៀនផ្តល់កន្លែងស្នាក់នៅហ្វឹកហាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អធិជ័យ ច័ន្ទរាជ្យ ពេលឈ្នះពាន

អធិជ័យ ច័ន្ទរាជ្យ បានលើកឡើងថា រូបគេពិតជាសប្បាយចិត្តជាខ្លាំងដែលអាចឈ្នះពានរង្វាន់ជាលើកទី១ ក្រោយចូលហ្វឹកហាត់ប្រដាល់នេះប្រហែល ៤-៥ឆ្នាំកន្លងទៅនេះ។ រូបគេតែងតែធ្វើឲ្យគ្រូខកចិត្តចំពោះការប្រកួតកន្លងមក ប៉ុន្តែឥលូវនេះធ្វើបានល្អវិញហើយ និងឈ្នះពានថែមទៀតផង។

ពានរង្វាន់ ៤ Man លើវិញ្ញាសារ Kick Boxing នេះរូបគេសុំជូនទៅលោក ហ៊ុន ច័ន្ទរាជ្យ លោក ជា នាគា លោកគ្រូ រិន សារ័ត្ន ដែលបានបង្ហាត់បង្រៀនអស់រយៈពេលជាច្រើនឆ្នាំមកនេះ។ ការផ្ដល់នៅទីកន្លែងហ្វឹកហាត់ និងការផ្ដល់ឱកាសជាបន្តបន្ទាប់ចំពោះរូបគេ ឥលូវនេះបានសម្រេចបំណងដែលចង់ឈ្នះសមិទ្ធផលជូនក្លឹប និងលោក ហ៊ុន ច័ន្ទរាជ្យ ដែលជាគ្រូវិញហើយ។

អធិជ័យ ច័ន្ទរាជ្យ ពេលឈ្នះពាន

បញ្ជាក់ដែរថា កីឡាករ អធិជ័យ ច័ន្ទរាជ្យ កាលពីថ្ងៃទី២៤ ខែឧសភា ឆ្នាំ២០២៦ នេះរូបគេបានប្រកួតឈ្នះពានរង្វាន់ ១គ្រឿងក្នុងកម្មវិធី ៤ Man លើវិញ្ញាសារ Kick Boxing ទម្ងន់ ៦០គីឡូក្រាមនៅសង្វៀនថោន។ នេះជាពានរង្វាន់ទី១ សម្រាប់រូបគេបន្ទាប់ពីមករួមរស់នៅក្លឹប Cambodian Top Team ដើម្បីសិក្សាបរិញ្ញាបត្រផង និងហ្វឹកហាត់ប្រដាល់ផង៕

អត្ថបទដោយ នួន ស៊ីណា