ប្រុសៗឈប់ព្រួយ! វ៉ាក់សាំង Pfizer-BioNTech មិនប៉ះពាល់ដល់មេជីវិតឈ្មោលទេ

វ៉ាក់សាំងការពារជំងឺកូវីដ-១៩ របស់ក្រុមហ៊ុន Pfizer Inc និង BioNTech SE មិនបង្កផលប៉ះពាល់ដល់មេជីវិតឈ្មោលទេ។ នេះបើយោងតាមលទ្ធផលស្រាវជ្រាវរបស់ជនជាតិអ៊ីស្រាអែល ដែលបានចេញផ្សាយនៅដើមខែឧសភា ឆ្នាំ ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវអ៊ីស្រាអែលបានប្រមូលសំណាកមេជីវិតឈ្មោលពីអ្នកស្ម័គ្រចិត្តបុរសចំនួន ៤៣ នាក់ នៅមុននិងក្រោយ រយៈពេលមួយខែនៃការចាក់វ៉ាក់សាំងការពារវីរុសកូវីដ-១៩។ ការសិក្សាបឋមបានរកឃើញថា មិនមានមេជីវិតឈ្មោលរបស់បុរសទាំងនោះផ្លាស់ប្តូរគួរឱ្យកត់សម្គាល់នោះទេ បន្ទាប់ពីការចាក់វ៉ាក់សាំង។

អ្នកស្រាវជ្រាវនិយាយថា “លទ្ធផលបឋមនៃការស្រាវជ្រាវត្រូវបានធានាចំពោះបុរសវ័យក្មេងដែលកំពុងទទួលថ្នាំបង្ការនៅទូទាំងពិភពលោក” ។ ដែលនេះមានន័យថា វ៉ាក់សាំងពុំមានហានិភ័យចំពោះមេជីវិតមនុស្សប្រុសឡើយ។

ដោយឡែកការសិក្សាមុនៗបានឲ្យដឹងថា អ្នកឆ្លងជំងឺកូវីដ-១៩អាចនឹងទទួលរងផលប៉ះពាល់សុខភាពរយៈពេលយូរ ជាពិសេសមនុស្សប្រុសអាចប្រឈមបញ្ហាខ្សោយឬងាប់លិង្គ។ ការសិក្សានេះបានចង្អុលបង្ហាញដែរថា វីរុសកូវីដ-១៩ អាចមានឥទ្ធិពលលើមេជីវិតឈ្មោលយ៉ាងធ្ងន់ធ្ងរ។

ផ្អែកតាមហេតុផលខាងលើ ទើបក្រោយពេលមានចរាចរណ៍វ៉ាក់សាំង បុរសៗមានការព្រួយបារម្ភអំពីថ្នាំការពារកូវីដ-១៩ ដែលអាចបណ្ដាលឱ្យប៉ះពាល់ដល់មេជិវិត។ ទោះយ៉ាងណា វេជ្ជបណ្ឌិតបានអះអាងច្បាស់ហើយថា វ៉ាក់សាំងគ្មានគ្រោះថ្នាក់នោះទេ៕

ប្រែសម្រួល៖ សន្យា

ប្រភេព៖ India Today

ចុចអាន៖ កុំព្រួយ! វ៉ាក់សាំងកូវីដ-១៩ មិនប៉ះពាល់ដល់វដ្តរដូវស្ត្រីទេ

ចុចអាន៖ វេជ្ជបណ្ឌិតព្រមានការប្រើថ្នាំពេទ្យដោយខ្លួនឯងអាចនាំឱ្យអ្នកជំងឺកូវីដមានអាការកាន់តែធ្ងន់ធ្ងរ