សុខភាព

ប្រុសៗ ដែលយប់ឡើង ក្រចូលគេង ប្រយ័ត្នងាប់មេជីវិត អត់កូន

បានផុស

៣ years មុន

នៅ

ថ្ងៃចន្ទ ២២ វិច្ឆិកា ២០២១

ដោយ

Sonya

រាល់ថ្ងៃនេះ ប្រុសៗគ្នាយើង ប្រហែលមិនងាយចូលដេកទេ ព្រោះអ្នកខ្លះនៅបង្ហើយការងារដែលនៅសល់ ខ្លះទៀតនៅលេងឆាត ឬនិយាយទូរស័ព្ទជាមួយសង្សារ ឬក៏មានបញ្ហាស្មុគស្មាញ គេងមិនលក់។ តែការចូលគេងយប់ជ្រៅ មិនល្អនោះទេ ព្រោះអាចធ្វើឲ្យប្រុសៗ ងាប់មេជីវិតឈ្មោល ពិបាក ឬមិនអាចគ្មានកូនតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាស្ត្រាចារ្យ Hans Jakob Ingerslev អ្នកស្រាវជ្រាវ មកពីសាកលវិទ្យាល័យ Aarhus របស់ដាណឺម៉ាក បញ្ជាក់ថា មូលហេតុដោយសារប្រុសៗគេងមិនគ្រប់គ្រាន់មានបញ្ហាស្មុគស្មាញ កើនឡើង និងអាចប៉ះពាល់ដល់មេជីវិត។ ការសិក្សា ក៏បានលើកឡើងថា ប្រុសៗ ដែលចង់មានកូន គួរឆាប់ចូលគេង មុនម៉ោង ១០:៣០នាទីយប់។

ការសិក្សា រកឃើញថា ប្រុសៗចូលគេងមុនម៉ោង ១០:៣០នាទីយប់ ទំនងមានមេជីវិតឈ្មោល ២,៧៥ ដង ល្អជាងអ្នកចូលគេងនៅម៉ោង ១១:០០នាទីយប់។ ប្រុសៗ គេង ពី ៧ម៉ោងកន្លះ-៨ម៉ោង មានមេជីវិតឈ្មោលល្អ ជួយបង្កើនសមត្ថភាពមានកូនតាមធម្មជាតិបាន។

Western Men Have Declining Sperm Counts, Asian Men Safe, Study Finds

ការសិក្សានេះ ត្រូវបង្ហាញនៅសន្និសីទប្រចាំឆ្នាំ របស់ European Society of Human Reproduction and Embryology (ESHRE) នៅទីក្រុងវ្យ៉ែន ប្រទេសអូទ្រីស។ អ្នកចូលរួមក្នុងការសិក្សា ជាមធ្យម មានអាយុ ៣៤ឆ្នាំ។

ចំណែកវេជ្ជបណ្ឌិត Christopher Barratt សាស្ត្រាចារ្យនៅសាកលវិទ្យាល័យ Dundee របស់ស្កុតឡែន លើកឡើងថា ប្រសិនបើប្រុសៗ គេងមិនគ្រប់គ្រាន់ទេ វានឹងប៉ះពាល់លើមេតាប៉ូលិស ហើយមានផលប៉ះពាល់លើគុណភាពមេជីវិត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ងូតឬត្រាំទឹកក្ដៅ និងស្ទីមយូរ អាចងាប់មេជីវិត?

ចុចអាន៖ អាហារល្អៗ ប៉ូវឲ្យមេជីវិតប្រុសៗកាន់តែខ្លាំងជាងមុន