វ៉ាក់សាំងថ្មីរបស់ចិន បង្ហាញប្រសិទ្ធភាពប្រឆាំងវីរុសបំប្លែងខ្លួន អំឡុងការធ្វើតេស្ត

ក្រុមហ៊ុនជីវបច្ចេកវិទ្យាចិន Clover Biopharmaceuticals បាននិយាយកាលពីថ្ងៃអង្គារទី១៨ខែឧសភាថា វ៉ាក់សាំងការពារជំងឺកូវីដ-១៩ Version ថ្មីរបស់ខ្លួន បានបង្ហាញពីភាពស៊ាំខ្លាំងក្លាប្រឆាំងនឹងមេរោគទម្រង់ដើម និងវីរុសបំប្លែងខ្លួនមួយចំនួន អំឡុងការធ្វើតេស្តលើសត្វ។

ក្រុមហ៊ុន Clover បាននិយាយនៅក្នុងសេចក្តីប្រកាសមួយថា ក្នុងការសាកល្បងលើសត្វកណ្តុរ បេក្ខជនវ៉ាក់សាំងរបស់ខ្លួន បានបង្ហាញពីសមត្ថភាពទប់ទល់នឹងវីរុសបំប្លែងខ្លួនដែលត្រូវបានគេរកឃើញដំបូងនៅប្រទេសអាហ្វ្រិកខាងត្បូង ប្រេស៊ីលនិងចក្រភពអង់គ្លេស។

ក្រុមហ៊ុននេះ កំពុងធ្វើតេស្តវ៉ាក់សាំងកូវីដ ដែលមានផ្ទុកនូវសារធាតុជំនួយបានមកពីក្រុមហ៊ុន Dynavax Technologies Corp។ សារធាតុជំនួយនេះ ត្រូវបានរចនាឡើងជាធម្មតាដើម្បីបង្កើនប្រសិទ្ធភាពរបស់វ៉ាក់សាំង។

ក្រុមហ៊ុន​ Clover អះអាងថា ខ្លួនមានបំណងបន្តវាយតម្លៃលើបេក្ខជនចាក់វ៉ាក់សាំងដែលនៅសេសសល់របស់ខ្លួន ហើយឈានទៅរកការសាកល្បងជំហានបន្ទាប់ នៅឆមាសទី២នៃឆ្នាំ២០២១នេះ ដោយផ្អែកលើទិន្នន័យពីការធ្វើតេស្តលើសត្វ៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ក្តី សង្ឃឹម ប្រទេស ក្រីក្រ ខណៈ ក្រុម ហ៊ុន វ៉ាក់សាំង ធំ បំផុត ក្នុង លោក រំពឹង នាំ ចេញ ចុង ឆ្នាំ នេះ