ស្រ្តីចាស់បំផុតលើលោក ទទួលបានការចាក់វ៉ាក់សាំងកូវីដ

លោកយាយម្នាក់ដែល គេអះអាងថាខ្លួនជាមនុស្សវ័យចំណាស់ជាងគេបំផុតនៅលើពិភពលោក មានអាយុ ១២៤ឆ្នាំ បានទទួលការចាក់វ៉ាក់សាំងកូវីដ ដូសទី១នៅក្នុងប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកយាយ Rehtee Begum មកពីស្រុក Baramulla នៃតំបន់ Jammu និង Kashmir ស្ថិតក្នុងចំណោមអ្នកស្រុកប្រមាណ៩,០០០នាក់ ដែលត្រូវបានចាក់វ៉ាក់សាំងកូវីដ កាលពីថ្ងៃពុធ។

យោងតាមរបាយការណ៍ក្នុងស្រុកបានឲ្យដឹងថា ព័ត៌មាននេះបានលេចឡើង នៅពេលក្មេងៗមិនហ៊ានទៅចាក់វ៉ាក់សាំង ទើបធ្វើឲ្យលោកយាយចេញមុខដឹកនាំទៅចាក់តែម្តង។

លោកយាយ Rehtee បានទទួលវ៉ាក់សាំង Covishield។ បុគ្គលិកសុខាភិបាលក្នុងស្រុកម្នាក់បានពន្យល់ថា រឿងនេះបានកើតឡើងក្នុងអំឡុងយុទ្ធនាការចាក់វ៉ាក់សាំងចល័ត នៅក្នុងតំបន់ Srakwara នៃស្រុក Baramulla។

នៅក្នុងវីដេអូឃ្លីបមួយ ដែលគេថតបន្ទាប់ពីលោកយាយចាក់វ៉ាក់សាំង លោកយាយបាននិយាយថា គាត់មានអារម្មណ៍ល្អនិងមិនមានអាការអ្វីទេក្រោយការចាក់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ក្តៅៗ ជំងឺផ្សិតខ្មៅដ៏គ្រោះថ្នាក់ ត្រូវបានរកឃើញខាងក្រៅប្រទេសឥណ្ឌា ហើយ