ព័ត៌មានអន្ដរជាតិ
ព្យុះទីហ្វុង In-Fa កំពុងបណ្ដាលឲ្យបាក់ដីជាលើកទី ២ នៅ ចិន
យោងតាមមជ្ឈមណ្ឌលឧតុនិយមជាតិចិនបានឲ្យដឹងថា ព្យុះទីហ្វុង In-Fa បានបណ្ដាលឲ្យមានការបាក់ដីជាលើកទី ២ នៅម៉ោងប្រមាណ ៩ និង ៥០ នាទីព្រឹកថ្ងៃចន្ទនេះ នៅតំបន់មាត់សមុទ្រនៃទីក្រុង Pinghu City ខេត្ត Zhejiang ភាគខាងកើតប្រទេសចិន ។
ព្យុះនេះបានវាយប្រហារនៅភាគកណ្តាលនៃប្រទេសចិន ដែលនៅតែរងគ្រោះដោយទឹកជំនន់ដែលបានសម្លាប់មនុស្សយ៉ាងហោចណាស់ ៦៣ នាក់ ផ្តាច់ចរន្តអគ្គិសនី និងបង្ខំឲ្យមានការផ្លាស់ប្តូរទីលំនៅរបស់ប្រជាជនជាង ១ លាននាក់ ។
បន្ទាប់ពីជន់លិចផ្លូវប្រមាណ ៦ គីឡូម៉ែត្រក្នុងទីក្រុង Zhoushan ជាមួយទឹកសមុទ្រ និងបានដួលរលំដើមឈើប្រមាណ ១ ពាន់ដើមនៅទីក្រុងសៀងហៃកាលពីរសៀលថ្ងៃអាទិត្យ ព្យុះនេះនឹងបណ្តាលឲ្យមានការបាក់ដីលើកទី ២ នៅឆ្នេរសមុទ្ររវាងទីក្រុង Jiaxing និងទីក្រុង Qidong ខេត្ត Jiangsu កាលពីយប់ថ្ងៃអាទិត្យ ។
រដ្ឋបាលឧតុនិយមបាននិយាយថា ព្យុះទីហ្វុងនេះកំពុងធ្វើចលនាក្នុងល្បឿន ១៥ គីឡូម៉ែត្រក្នុងមួយម៉ោង ខណៈអាកាសយានដ្ឋានអន្តរជាតិចំនួន ២ នៅទីក្រុងសៀងហៃប្រទេសចិន បានលុបចោលរាល់ជើងហោះហើរទាំងអស់ ហើយអាជ្ញាធរបានហាមឃាត់រាល់សកម្មភាពនៅខាងក្រៅ ដោយសារតែព្យុះទីហ្វុង In-Fa បានបោកបក់ភាគខាងកើតប្រទេសចិន ជាមួយនឹងខ្យល់បក់ខ្លាំង និងមានភ្លៀងធ្លាក់ខ្លាំង ។
រដ្ឋបាលឧតុនិយមបានឲ្យដឹងថា ល្បឿនខ្យល់របស់ព្យុះទីហ្វុង In-Fa មានដល់ ៣៨ ម៉ែត្រក្នុងមួយវិនាទី ខណៈយោងតាមការគណនារបស់ Reuters បានឲ្យដឹងថា ល្បឿនព្យុះនេះ គឺស្មើនឹងប្រហែល ១៣៧ គីឡូម៉ែត្រក្នុងមួយម៉ោង ។
គួរបញ្ជាក់ថា ព្យុះទីហ្វុងនេះកំពុងបក់បោកនៅភាគខាងកើតនៃប្រទេសចិន បន្ទាប់ពីការបាក់ដីជាលើកទី ២ ហើយនឹងនាំមកនូវព្យុះភ្លៀងខ្លាំងដល់ខេត្ត Zhejiang ខេត្ត Jiangsu ខេត្ត Anhui និងទីក្រុងសៀងហៃជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង