សុខភាព

របបអាហារគួរហូប អាចកាត់បន្ថយហានិភ័យ កើតជំងឺមហារីក

បានផុស

៥ years មុន

នៅ

ថ្ងៃសៅរ៍ ១៦ តុលា ២០២១

ដោយ

ទោះបីជាមិនមានអាហារជាក់លាក់ តែមួយមុខណាមួយអាចប្រឆាំងនឹងជំងឺមហារីកបានមែន តែការមានរបបអាហារចម្រុះមុខដោយបន្លែ ផ្លែឈើ និងគ្រាប់ធញ្ញជាតិបញ្ចូលគ្នា ជាវិធីសាស្រ្តល្អមួយក្នុងការការពារយើងពីហានិភ័យកើតជំងឺមហារីក។

ចង់កាត់បន្ថយហានិភ័យកើតជំងឺកាចសាហាវមួយនេះ គួរពិចារណារបបអាហារដូចខាងក្រោមនេះ៖

១. របបអាហារមានបន្លែ ផ្លែឈើចម្រុះ

បន្លែ និងផ្លែឈើ គឺ សម្បូរទៅដោយវីតាមីន និងសារធាតុចិញ្ចឹមផ្សេងៗ ដែលត្រូវគេគិតថាអាចមានសមត្ថភាពជួយកាត់បន្ថយហានិភ័យជំងឺមហារីកជាក់លាក់មួយចំនួន។ ការញ៉ាំអាហារដូចជាបន្លែ និងផ្លែឈើច្រើន នឹងធ្វើឲ្យយើងមិនសូវញ៉ាំជាតិស្ករច្រើន។ ជំនួយឲ្យការញ៉ាំអាហារសម្បូរ ដោយស្ករកែច្នៃ យើងគួរងាកមកញ៉ាំផ្លែឈើវិញ សម្រាប់អាហារសម្រន់។

របបអាហារសម្ពូរដោយបន្លែ ផ្លែឈើ គ្រាប់ធញ្ញជាតិ និងគ្រាប់ផ្លែឈើ ជាប្រភេទអាហារគេជឿថាអាចជួយប្រឆាំងនឹងជំងឺមហារីក។

២. ញ៉ាំតែបៃតង

តែបៃតងមានសារធាតុប្រឆាំងអុកស៊ីតកម្ម និងអាចជាផ្នែកមួយសំខាន់ក្នុងរបបអាហារប្រឆាំងនឹងជំងឺមហារីក។ តែបៃតងទំនងជាអាចជួយការពារជំងឺមហារីកថ្លើម សុដន់ លំពែង សួត បំពង់អាហារ និងស្បែក។ អ្នកស្រាវជ្រាវបានរកឃើញថាសារធាតុគីមីម្យ៉ាងឈ្មោះថា epigallocatechin-3 gallate នៅក្នុងតែបៃតង អាចមានសកម្មភាពប្រឆាំងអង់ហ្សីមបង្កការលូតលាស់មហារីក។ ក្នុងតែបៃតងមួយពែង មានផ្ទុកគ្រឿងផ្សំសារធាតុប្រឆាំងដុំសាច់ចន្លោះពី១០០ទៅ២០០មិល្លីក្រាម។

៣. ញ៉ាំប៉េងបោះឲ្យបានច្រើន

ការសិក្សាជាច្រើនបង្ហាញថាសារធាតុប្រឆាំងអុកស៊ីតកម្ម lycopene នៅក្នុងផ្លែប៉េងប៉ោះ អាចថាមានគុណប្រយោជន៍ខ្ពស់ជាង beta-carotene ,alpha-carotene និងវីតាមីនE ផង។ សារធាតុ lycopene ជាប្រភេទអាហារអាចប្រឆាំងនឹងជំងឺមហារីក ដែលអាចជួយការពារយើងពីជំងឺមហារីកជាក់លាក់មួយចំនួនដូចជាជំងឺមហារីកក្រពេញប្រូស្តាត និងមហារីកសួត។

៤. ខ្ទឹមស និងខ្ទឹមបារាំង

ការសិក្សាបានរកឃើញថាខ្ទឹមស និងខ្ទឹមបារាំង អាចមានសមត្ថភាពបញ្ឈប់ព័ត៌មានរបស់សារធាតុបង្កជំងឺមហារីកនៅក្នុងរាងកាយ ពិសេសនៅពោះវៀនធំ ថ្លើម និងសុដន់។ នៅក្នុងខ្ទឹមបារាំង និងខ្ទឹមស ត្រូវគេដឹងថាមានផ្ទុកសារធាតុស្ពាន់ធ័រសកម្ម ដែលអាចការពារជំងឺមហារីកបាន។

៥. ញ៉ាំត្រី

ខ្លាញ់នៅក្នុងត្រីមានផ្ទុកអាស៊ីដខ្លាញ់អូនមេហ្គា៣ ដែលអាស៊ីដខ្លាញ់ប្រភេទនេះ មានទំនាក់ទំនងទៅនឹងការកាត់បន្ថយហានិភ័យជំងឺមហារីកក្រពេញប្រូស្តាត។ បើសិនជាគ្នាយើងមិនសូវមានទម្លាប់ញ៉ាំត្រីទេ គួរចាប់ផ្ដើមពីពេលនេះទៅ៕

អត្ថបទផ្ដល់ដោយ៖ Hello Krupet

ចុចអាន៖ជំងឺមហារីក ៥ ប្រភេទ ច្រើនកើតលើកុមារតូចៗ

ចុចអាន៖ជឿអត់បើប្រាប់ថា ប្រភេទអាហារយើងញ៉ាំ ប៉ះពាល់ដល់អារម្មណ៍យើង?