ភាគខាងជើងវៀតណាម ត្រជាក់ខ្លាំងដល់ ០ អង្សាសេ ថែមទាំងមានព្រិលធ្លាក់

កំពូលភ្នំ Fansipan ក្នុងខេត្ត Lao Cai ភាគខាងជើងប្រទេសវៀតណាម ដែលជាកំពូលភ្នំខ្ពស់បំផុតនៅឥណ្ឌូចិន ត្រូវបានគ្របដណ្តប់ដោយព្រិល ចាប់តាំងពីរសៀលថ្ងៃអាទិត្យមក ខណៈសីតុណ្ហភាពបានធ្លាក់ចុះខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រិលបានធ្លាក់លើកំពូលភ្នំ Fansipan ដែលស្ថិតនៅក្នុងទីក្រុងទេសចរណ៍ដ៏ល្បីឈ្មោះ Sa Pa នៅម៉ោង៣:៤៥នាទីរសៀលថ្ងៃអាទិត្យ។ នេះបើតាមការឲ្យដឹងពីលោក Nguyen Xuan Chien នាយក Sun World Fansipan Legend ដែលជាតំបន់ទេសចរណ៍នៅក្នុងទីក្រុង។

លោក Chien ​និយាយ​ថា “​បច្ចុប្បន្ន​នេះ សីតុណ្ហភាព​នៅ​លើ​កំពូល​ភ្នំ Fansipan គឺ​ប្រហែល ០ អង្សាសេ ហើយ​ព្រិល​កំពុង​ធ្លាក់​ចុះ។ វាត្រូវបានគេព្យាករណ៍ថា សីតុណ្ហភាពនឹងបន្តធ្លាក់ចុះ ដូច្នេះព្រិលកាន់តែខ្លាំង អាចនឹងបន្តធ្លាក់”​។

នៅដើមឆ្នាំនេះ ការធ្លាក់ព្រិលបានអូសបន្លាយចាប់ពីព្រឹកថ្ងៃទី៨ខែកុម្ភៈ រហូតដល់ព្រឹកថ្ងៃបន្ទាប់នៅលើកំពូលភ្នំ Fansipan ដោយព្រិលមានកម្រាស់រហូតដល់ទៅ៦០សង់ទីម៉ែត្រ នៅពេលសីតុណ្ហភាពធ្លាក់ចុះដល់ ដក ៣អង្សាសេ។

គួរបញ្ជាក់ថា គំរូអាកាសធាតុត្រជាក់កាលពីថ្ងៃអាទិត្យ គឺដោយសារតែបុព្វខ្យល់ត្រជាក់ដែលបាននិងកំពុងប៉ះពាល់ដល់ភាគច្រើននៃតំបន់ខាងជើង និងកន្លែងមួយចំនួនទៀតនៅតំបន់ភាគពាយ័ព្យ ប្រទេសវៀតណាម៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ រូបភាព ជនភៀសខ្លួនរាប់រយនាក់បោះជំរំក្រោមអាកាសធាតុត្រជាក់ ស្ទើរកកនៅព្រំដែន បេឡារុស