ព័ត៌មានអន្ដរជាតិ
យល់ព្រមឲ្យប្រើវ៉ាក់សាំងរបស់ក្រុមហ៊ុន Pfizer តែអាមេរិកទិញពី Moderna ១០០ លានដូសបន្ថែមទៀត
ក្រុមហ៊ុនឱសថ Moderna បាននិយាយកាលពីថ្ងៃសុក្រថា រដ្ឋាភិបាលសហរដ្ឋអាមេរិកនឹងទទួលបានវ៉ាក់សាំងរបស់ខ្លួនចំនួន ១០០ លានដូសបន្ថែមទៀត ខណៈប្រទេសនេះត្រៀមសម្រាប់ការចាក់វ៉ាក់សាំងទ្រង់ទ្រាយធំដោយពួកគេសង្ឃឹមថានឹងអាចទប់ស្កាត់ការរីករាលដាលនៃជំងឺកូវីដ ១៩ ។
សហរដ្ឋអាមេរិកបានបញ្ជាទិញវ៉ាក់សាំងរបស់ក្រុមហ៊ុន Moderna សរុបចំនួន ២០០ លានដូស ហើយរហូតមកដល់ពេលនេះការបញ្ជាទិញលើកដំបូងប្រហែល ២០ លានដូសនឹងត្រូវចែកចាយនៅដំណាច់ខែធ្នូ ហើយចំនួនដែលនៅសល់នឹងកើតឡើងនៅត្រីមាសទី ១ ឆ្នាំ ២០២១ ។
កាលពីខែសីហាសហរដ្ឋអាមេរិកបានចុះកិច្ចព្រមព្រៀងជាមួយក្រុមហ៊ុន Moderna ដើម្បីទិញវ៉ាក់សាំងកូវីដ ១៩ ចំនួន ១០០ លានដូសក្នុងរង្វង់ទឹកប្រាក់ប្រហែល ១.៥ ប៊ីលានដុល្លារជាមួយនឹងជម្រើសទទួលបាន ៤០០ លានដូសបន្ថែម ។
ការបញ្ជាទិញនេះកើតឡើងស្របពេលដែលរដ្ឋបាលចំណីអាហារ និងឪសថអាមេរិក (FDA) បានអនុញ្ញាតិឲ្យវ៉ាក់សាំងការពារជំងឺកូវីដ ១៩ របស់ក្រុមហ៊ុន Pfizer-BioNTech សម្រាប់ប្រើប្រាស់ជាបន្ទាន់នៅទូទាំងសហរដ្ឋអាមេរិក ។
FDA បានប្រកាសកាលពីថ្ងៃសុក្រថា ការប្រើប្រាស់ជាបន្ទាន់ត្រូវបានផ្តល់ជូនតាមអនុសាសន៍របស់គណៈកម្មាធិការប្រឹក្សាយោបល់អំពីវ៉ាក់សាំង និងផលិតផលជីវសាស្ត្រពាក់ព័ន្ធ ។
គួរបញ្ជាក់ថា គិតត្រឹមពេលនេះសហរដ្ឋអាមេរិកមានករណីឆ្លងជំងឺកូវីដ ១៩ ចំនួន ១៦,២៩៥,៧១៤ នាក់ និងមានអ្នកស្លាប់ចំនួន ៣០២,៧៦២ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ចាក់វ៉ាក់សាំងកូវីដ ស្លាប់មនុស្ស ៦ នាក់ Pfizer ចេញបញ្ជាក់ការពិត
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)