មហាជនបើកភ្នែកធំៗ និងប៉ាន់ស្មានតម្លៃចិញ្ចៀនពេជ្រ ដែល Mak សុំ Kim រៀបការ ថា តម្លៃកប់ក្ដោងមិនធម្មតា

ក្រោយលេចដំណឹងព្រោងព្រាតពី Mak Prin លុតជង្គង់​សុំ Kimberly រៀបការនៅប្រទេសស្វីស ​បានក្លាយជារូបភាព​មួយ ដែល​មហាជនពេញចិត្តជាខ្លាំង។​ ក្រោយគូស្នេហ៍នេះ ត្រូវបានគេដឹងថា ស្រលាញ់គ្នាមក៩ឆ្នាំហើយ។

ទន្ទឹមនោះ ​អ្វីដែលគ្រប់គ្នាហាក់​ចាប់អារម្មណ៍ខ្លាំង​បំផុតនោះគឺ ​ចិញ្ចៀន​ពេជ្រ​ដ៏​ស្រស់ស្អាត​ដែលបំពាក់​នៅលើម្រាមដៃ​ខាងឆ្វេង​របស់ Kim ជាមួយ​នឹងពេជ្រតូចៗ ហ៊ុំព័ទ្ធ​ដោយ​គ្រាប់ពេជ្រ​មូល​ធំ​ជាង​គេ អមជាមួយ​នឹង​ពន្លឺដ៏ភ្លឺចិញ្ចាច ​ធ្វើឲ្យមហាជនសម្លឹង​មើល​ចិញ្ចៀន​នោះ ហើយនាំគ្នា​វិភាគលើទំហំថា ​តើមានប៉ុន្មានការ៉ាត់។

អ្នក​លេង​អ៊ីនធឺណិត​បាន​វិភាគ​ និង​ប្រៀបធៀប​ចិញ្ចៀន​ពេជ្រ​របស់ Kim នៅ​លើ​បណ្ដាញ​សង្គមថា វា​ស្រដៀង​ទៅ​នឹង​ស៊េរី DESTINÉE SOLITAIRE របស់ CARTIER ចិញ្ចៀនពេជ្រនេះ​ មាន​ទំហំ​ចាប់ពី ០.៥០-៤.៩៩ ការ៉ាត់ ហើយត្រូវបានរៀបចំឡើង​ដោយពេជ្រ​ដ៏ភ្លឺចែងចាំង បានទទួលងារជា Friend Of Cartier ក្នុងឆ្នាំ ២០២០ ដូច្នេះហើយ ទើបវាអាចទៅរួចដែលថា ​ចិញ្ចៀនពេជ្រ​ជាកម្មសិទ្ធិរបស់ CARTIER DESTINÉE SOLITAIRE ។

ចំពោះតម្លៃចិញ្ចៀនពេជ្រនេះ ប្រសិនបើអ្នកពិនិត្យមើលនៅលើគេហទំព័រ cartier នោះនឹងឃើញថា​មានតម្លៃខុសៗគ្នា​ដូចខាងក្រោម៖

យ៉ាង​ណា​មិញ អ្នក​និយម​លេង​អ៊ីនធឺណិត​ក៏​បាន​វិភាគថា ចិញ្ចៀន​ពេជ្រ​ដែល Kim ពាក់ ត្រូវបានគេសន្មត់ថាមានទម្ងន់ ៣ ការ៉ាត់ មានតម្លៃប្រហែល ២១,១០០-២៩,៦០០ ដុល្លារឯណោះ។

គួរ​បញ្ជាក់​ដែរ​ថា​ អ្នក​ទាំងពីរបានធ្វើ​ដំណើរ​ទៅ​ប្រទេស​ស្វីស ជាមួយ​គូស្នេហ៍ Nadech-Yaya ប៉ុន្តែ​ព្រឹត្តិការណ៍​នេះ ធ្វើឲ្យ​តារា​ស្រី Kimberly ភ្ញាក់ផ្អើល​យ៉ាង​ខ្លាំង ពេល​ដែល​ Mak លុត​ជង្គង់​សុំ​នាងរៀបការនៅ​កណ្ដាល​បរិយាកាស​រ៉ូមែនទិក​ខ្លាំង ហើយ​គូស្នេហ៍​មួយ​គូ​នេះ​ បាន​ប្រកាស​ដំណឹង​ល្អ​ថា ពួកគេ​ត្រៀម​ខ្លួន​រស់នៅ​ជាមួយ​គ្នា​ចាប់ពី​ពេល​នេះ​តទៅ ៕

ប្រែសម្រួល៖ សាង ស្រីល័ក្ខ

ចុចអាន៖តារា ថៃ ៥ រូបនេះ មានប្រជាប្រិយភាពខ្លាំងក្លា រហូតមានអ្នកគាំទ្រច្រើនជាងគេ ក្នុងប្រទេស

ចុចអាន៖Pinky តារាស្រីទីមួយដែលរៀបការកក្រើកប្រទេស ថៃ តែចុងក្រោយ លែងលះស្វាមីជាមហាសេដ្ឋី (មានវីដេអូ)