ទិវាគុណម្តាយ! អ៊ុន សិទ្ធា ថ្លែងសារក្តុកក្តួលនឹកម្តាយ ហើយផ្តាំដល់កូនៗគ្រប់រូបថា….

តារាសម្តែងសម្បូរសាច់ដុំលោក អ៊ុន សិទ្ធា ស្របពេលដែលទិវាគុណម្តាយពិភពលោកចូលមកដល់ ស្រាប់តែតារាប្រុសរូបនេះបានថ្លែងសារទាំងក្តុកក្តួល ដោយបង្ហាញការនឹករលឹកចំពោះអ្នកម្តាយដែលចែកឋានទៅហើយនោះ។

គេនៅចាំបានថា បើគិតមកដល់ពេលនេះមានរយៈពេលជាង ៣ឆ្នាំហើយ ដែលតារាសម្តែង អ៊ុន សិទ្ធា បានបាត់បង់អ្នកម្តាយជាទីស្រឡាញ់។ អ្នកម្ដាយរបស់តារាសម្តែងចាស់វស្សាលោក អ៊ុន សិទ្ធា បានចែកឋានទៅកាលពីអំឡុងដើមខែមិថុនា ឆ្នាំ២០១៩ កន្លងទៅ។ កាលណោះគេឃើញមានអ្នកសិល្ប: ជាច្រើនបានសម្តែងការចូលរួមរំលែកទុក្ខដ៏ក្រៀមក្រំនេះផងដែរ។

ដោយឡែយនៅថ្ងៃទី០៨ ខែឧសភា ឆ្នាំ២០២២នេះ លោក អ៊ុន សិទ្ធា បានរៀបរាប់ដូច្នេះថា “ថ្ងៃ​នេះ​ជា​ទិវាបុណ្យម្តាយលេីពិភពលោក នឹកណាស់ចង់ជួបណាស់ ចង់ឱបណាស់ ចង់ថេីបណាស់​ ចង់ធ្វេីអ្វីៗគ្រប់យ៉ាងអោយម៉ែសប្បាយចិត្ត​ ចង់អោយម៉ែនៅមេីលភាព​ជោគជ័យ​របស់កូន​ ចង់អោយម៉ែស្តីជេរថាអោយដោយក្តីស្រលាញ់ តែអ្វីៗគ្រប់យ៉ាងនៅសល់តែក្តីស្រម៉ៃនឹងនៅក្នុងការយល់​សុបិនតែប៉ុណ្ណោះ” ។

លោក អ៊ុន សិទ្ធា បន្ថែមទៀតថា “បេីអ្នកទាំងអស់គ្នា​ ជាពិសេសអ្នកដែលនៅមានម្តាយ​ សូមមេីលថែគាត់​ ស្រលាញ់​គាត់​ផ្តល់​ភាពកក់ក្តៅជូនគាត់​ បេីគាត់រអ៊ូដាក់យេីង នោះមកពីគាត់ស្រលាញ់បារម្ភ​យេីង​។ ហេីយមនុស្សចាស់កាន់តែចាស់កាន់តែឆេវឆាវ​កាន់តែដូចកូនក្មេង​ ហេីយក៏ចង់អោយកូនយកចិត្តទុកដាក់ហេីយខ្វល់ពីគាត់វិញដែរ។ នឹកណាស់​ស្រលាញ់​ណាស់”​៕

អត្ថបទ៖ ចាន់រ៉ា

ចុចអាន៖ មុនក្លាយជាកំពូលតារាចម្រៀងប្រចាំប្រទេស តើ ព្រាប សុវត្ថិ មានខ្សែជីវិតដូចម្ដេចខ្លះ?