បច្ចេកវិទ្យា
ស្ត្រីខ្លាំងនៅ Facebook ជាដៃគូជិតស្និទ្ធរបស់លោក Zuckerberg លាឈប់ ក្រោយ១៤ឆ្នាំ
ប្រធានប្រតិបត្តិ (COO) របស់ក្រុមហ៊ុន Facebook លោកស្រី Sheryl Sandberg ដែលជាដៃគូជិតស្និទ្ធបំផុតជាមួយនាយកប្រតិបត្តិលោក Mark Zuckerberg បានលាឈប់ពីក្រុមហ៊ុនបណ្តាញទំនាក់ទំនងសង្គមយក្សហើយ បន្ទាប់ពីលោកស្រីបានបម្រើការរយៈពេល១៤ឆ្នាំធ្វើឲ្យជោគជ័យខ្លាំងបំផុត។ នេះបើតាមការបង្ហោះសារមួយលើ Facebook របស់លោកស្រីកាលពីថ្ងៃពុធម្សិលមិញ។
សេចក្តីប្រកាសលាឈប់នេះបានធ្វើឲ្យភាគហ៊ុនរបស់ក្រុមហ៊ុនបណ្តាញសង្គមធ្លាក់ចុះ៤% ប៉ុន្តែការធ្វើពាណិជ្ជកម្មប៉ុន្មានម៉ោងក្រោយមកបានឡើងជិតស្មើវិញ។
លោកស្រី Sheryl Sandberg បានសរសេរថា ៖«នៅពេលខ្ញុំចាប់ផ្តើមការងារនេះនៅឆ្នាំ២០០៨ ខ្ញុំសង្ឃឹមថា ខ្ញុំនឹងកាន់តួនាទីនេះរយៈពេល៥ឆ្នាំ។ តែឥឡូវរយៈពេល១៤ឆ្នាំ ដែលជាពេលសម្រាប់ខ្ញុំសរសេរជំពូកថ្មីនៃជីវិតរបស់ខ្ញុំ»។
ជាមួយគ្នានេះលោកមហាសេដ្ឋី Zuckerberg បាននិយាយថា ប្រធានផ្នែកកំណើន លោក Javier Olivan នឹងទទួលតំណែងប្រធានប្រតិបត្តិពីលោកស្រី។ ទោះជាយ៉ាងណា លោកបន្ថែមថា លោកគ្មានគម្រោងជំនួសតំណែងរបស់លោកស្រី Sandberg ដោយផ្ទាល់នៅក្នុងរចនាសម្ព័ន្ធរបស់ក្រុមហ៊ុនដែលមានស្រាប់នោះទេ។
លោកបាននិយាយថា ៖«ខ្ញុំគិតថា Meta ឈានដល់ចំណុចដែលវាសមហេតុផលសម្រាប់ក្រុមផលិតផល និងអាជីវកម្មរបស់ពួកយើងក្នុងការធ្វើសមាហរណកម្មកាន់តែជិតស្និទ្ធ។ ជាជាងមានមុខងារអាជីវកម្ម និងប្រតិបត្តិទាំងអស់ដែលត្រូវរៀបចំដាច់ដោយឡែកពីផលិតផលរបស់យើង»។
លោក Olivan បានធ្វើការនៅ Meta រយៈពេលជាង១៤ឆ្នាំហើយ និងបានដឹកនាំក្រុមការងារលើផលិតផលជាច្រើនគឺ Facebook, Instagram, WhatsApp និង Messenger។
ការចាកចេញរបស់លោក Sandberg ជាសញ្ញាបញ្ចប់យុគសម័យមួយសម្រាប់ Meta ដែលកំពុងផ្លាស់ប្តូរឆ្ពោះទៅរកផលិតផលផ្នែករឹង និងសម័យកាលថ្មី បន្ទាប់ពីជួបរឿងអាស្រូវជាច្រើនឆ្នាំជុំវិញការរំលោភបំពានឯកជនភាព និងរាលដាលនៃមាតិកាឃុបឃិតលើទម្រង់របស់ខ្លួន ក៏ដូចជាការកើនឡើងនូវអ្នកប្រើប្រាស់ Facebook ជាដើម។
ជាដៃគូជិតស្និទ្ធរបស់ស្ថាបនិក Zuckerberg ដែលទើបមានអាយុ២៣ឆ្នាំប៉ុណ្ណោះនៅលោកបានជួលលោកស្រីឲ្យធ្វើការ លោកស្រី Sandberg គឺជាប្រធានប្រតិបត្តិម្នាក់ដែលមានចក្ខុវិស័យច្រើនបំផុតរបស់ក្រុមហ៊ុន និងជាស្ថាបត្យករនាំមុខគេនៃគំរូអាជីវកម្មផ្អែកលើការផ្សាយពាណិជ្ជកម្មដែលត្រូវបានរិះគន់ជាញឹកញាប់។
ដោយនាំយកបទពិសោធគ្រប់គ្រង និងចំណេះដឹងពីឧស្សាហកម្មផ្សាយពាណិជ្ជកម្មឌីជីថលដែលទើបនឹងកើតថ្មី លោកស្រីបានប្រែក្លាយ Facebook ពីការចាប់ផ្តើមអាជីវកម្មគួរឱ្យភ្ញាក់ផ្អើលទៅជាប្រាក់ចំណូលមួយ ខណៈពេលលោកស្រីក៏បានដាក់ខ្លួនឯងថាជាមុខមាត់នៃភាពជាស្ត្រីនៅក្នុងក្រុមហ៊ុនអាមេរិក។
យោងតាមឯកសារបទប្បញ្ញត្តិបង្ហាញថា នៅពេលនោះ Facebook រកចំណូលបាន២៧២លានដុល្លារ ខាតសុទ្ធ៥៦លានដុល្លារ។ នៅឆ្នាំ២០១១ មួយឆ្នាំ មុនពេលលេចចេញជាសាធារណៈដំបូងរបស់ក្រុមហ៊ុន ប្រាក់ចំណូលរកបាន៣.៧ប៊ីលានដុល្លារ ចំណេញសុទ្ធ១ប៊ីលានដុល្លារ។ Meta បានបញ្ចប់ឆ្នាំ២០២១ជាមួយនឹងប្រាក់ចំណូល១១៨ប៊ីលានដុល្លារ៕
ប្រែសម្រួល៖ វីរបុត្រ
ប្រភព៖ Reuters
ថ្ងៃស្អែក រដ្ឋបាលរាជធានី នឹងកែសម្រួលប្រព័ន្ធចរាចរនៅតំបន់ជុំវិញចំណុចរង្វង់មូលកួចកាណុង
ក្រសួងការងារ និងបណ្តុះបណ្តាលវិជ្ជាជីវៈ បើកសិក្ខាសាលាពង្រឹងទីភ្នាក់ងារជ្រើសរើសឯកជនកម្ពុជាឱ្យជ្រើសរើសពលករប្រកបដោយក្រមសីលធម៌
សម្ដេចធិបតី ប្រាប់បរទេសថា ទីតាំងរៀបចំមហាសន្និបាត JCI នាថ្ងៃនេះ កាលជាង២០ឆ្នាំមុន ជាសមរភូមិសង្គ្រាម
ថ្ងៃនេះលោក ទីវ តារារិទ្ធិ ចាប់ផ្តើមដំណើរជិះកង់ឆ្លងទ្វីបរៃអង្គាសថវិកា ដើម្បីជួយកុមារកម្ពុជា
សម្ដេចតេជោ ស្នើរុស្ស៊ីបង្កើតជើងហោះហើរត្រង់ និងដោះស្រាយបំណុលដែលកម្ពុជាជំពាក់
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
ពូទីន ប្រកាសថា បើប្រទេសណាចង់វាយប្រហារលោកខាងលិច រុស្ស៊ីនឹងជួយអាវុធ
កំពូលអ្នកប្រដាល់ ប៉ាគីអាវ នឹងយកកីឡាករកម្ពុជាទៅហាត់នៅហ្វីលីពីនឆាប់ៗ
ក្រុមហ៊ុនអភិវឌ្ឍព្រលានតេជោតាខ្មៅ បានត្រៀមបម្រុងដី សាងសង់ផ្លូវរថភ្លើងមករាជធានីភ្នំពេញ
មង្គលការកូនប្រធានក្រុមហ៊ុនសំលៀកបំពាក់កីឡាល្បីនៅ ចិន រងការរិះគន់ថាខ្ជះខ្ជាយលុយកាក់
-
ព័ត៌មានជាតិ១៥ ម៉ោង agoមន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ៤ ថ្ងៃ agoត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៦ ថ្ងៃ agoលោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សន្តិសុខសង្គម៣ ថ្ងៃ agoអគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
សេចក្ដីជូនដំណឹង១ សប្តាហ៍ agoក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៤ ថ្ងៃ agoអបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា៧ ថ្ងៃ agoស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៣ ថ្ងៃ agoក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក