ព័ត៌មានអន្ដរជាតិ
លោក ពូទីន ផ្តល់សំណង ៨១ ៥០០ ដុល្លារ ដល់គ្រួសារឆ្មាំជាតិ ដែលស្លាប់នៅអ៊ុយក្រែន
កាលពីថ្ងៃចន្ទទី០៦ខែមិថុនា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានចុះហត្ថលេខាលើអនុក្រឹត្យមួយ ដោយបញ្ជាឲ្យផ្តល់ប្រាក់ចំនួន ៥លានរូបិ៍ល (៨១ ៥០០ដុល្លារ) ដល់ក្រុមគ្រួសារនៃសមាជិកឆ្មាំជាតិរុស្ស៊ី ដែលបាត់បង់ជីវិតនៅក្នុងប្រទេសអ៊ុយក្រែន និងស៊ីរី។
អនុក្រឹត្យនេះ ស្មើនឹងការទទួលស្គាល់ជាផ្លូវការថា សមាជិកនៃឆ្មាំដែលត្រូវបានគេស្គាល់ថា Rosgvardia គឺស្ថិតក្នុងចំណោមជនរងគ្រោះនៃសង្គ្រាមនៅអ៊ុយក្រែន ដែលរុស្ស៊ីហៅថាជាប្រតិបត្តិការយោធាពិសេស។
កម្លាំងដែលឆ្លើយតបដោយផ្ទាល់ទៅលោកពូទីនមួយនេះ ត្រូវបានបង្កើតឡើងក្នុងឆ្នាំ២០១៦ ដើម្បីប្រយុទ្ធប្រឆាំងនឹងក្រុមភេរវកម្ម និងអង្គការឧក្រិដ្ឋកម្ម ហើយត្រូវបានប្រើប្រាស់ក្នុងស្រុកដើម្បីបង្ក្រាបការតវ៉ាប្រឆាំងរដ្ឋាភិបាល។
ក្រុមអ្នកវិភាគលោកខាងលិចមើលឃើញថា ការដាក់ពង្រាយរបស់ខ្លួន ចាប់តាំងពីដំណាក់កាលដំបូងនៃសង្រ្គាមនៅអ៊ុយក្រែន ជាសញ្ញានៃការគិតខុសដែលថា រុស្ស៊ីនឹងដណ្តើមយកទីក្រុងធំៗបានយ៉ាងឆាប់រហ័ស រួមទាំងរដ្ឋធានី កៀវ ជាកន្លែងដែល Rosgvardia អាចប្រើប្រាស់ដើម្បីរក្សាសណ្តាប់ធ្នាប់ផងដែរ។
តាមពិតទៅ កងកម្លាំងរុស្ស៊ីត្រូវបានវាយបកចេញពីទីក្រុង កៀវ និងទីក្រុងទីពីររបស់អ៊ុយក្រែនគឺ Kharkov ហើយឥឡូវនេះ កំពុងផ្តោតលើការប្រយុទ្ធគ្នាយ៉ាងខ្លាំងនៅក្នុងតំបន់ Donbas ភាគខាងកើត។
គួរបញ្ជាក់ថា លោក ពូទីន បានប្រកាសរួចទៅហើយ នូវគម្រោងសំណងសម្រាប់គ្រួសារទាហានដែលស្លាប់ និងរបួស។
ប្រទេសរុស្ស៊ីមិនបានធ្វើបច្ចុប្បន្នភាពតួលេខជនរងគ្រោះទេ ចាប់តាំងពីថ្ងៃទី ២៥ ខែមីនាមក នៅពេលដែលខ្លួននិយាយថា ទាហានចំនួន ១៣៥១ នាក់ត្រូវបានសម្លាប់ និង ៣៨២៥ នាក់បានរងរបួស។
ទោះបីជាយ៉ាងណាក៏ដោយ រដ្ឋាភិបាលអ៊ុយក្រែន និងលោកខាងលិចអះអាងថា ចំនួនទាហានរុស្ស៊ីដែលស្លាប់គិតត្រឹមពេលនេះ គឺខ្ពស់ជាងនោះឆ្ងាយណាស់៕
ប្រែសម្រួល៖ Vann Vann
ប្រភព៖ Yahoo
ចុចអាន៖ EU ថា រុស្ស៊ីម្នាក់គត់ ដែលត្រូវស្តីបន្ទោសចំពោះវិបត្តិស្បៀងអាហារពិភពលោក
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៥ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)