ប្រុងប្រយ័ត្ន! ប្រទេសជាប់ កម្ពុជា រកឃើញ អូមីក្រុង ពូជថ្មីដែលល្បីឆ្លងកាន់ តែខ្លាំង

បើយោងតាមអគ្គនាយកដ្ឋានថ្នាំបង្ការក្រោមក្រសួងសុខាភិបាលវៀតណាមបានឲ្យដឹងថា ប្រទេសវៀតណាមបានកត់ត្រាពីការរកឃើញករណីវីរុសអូមីក្រុងក្លាយពូជប្រភេទ BA.5 បន្ទាប់ពីការត្រួតពិនិត្យតាមលំដាប់ហ្សែននៃមេរោគ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Phan Trong Lan ប្រធានអគ្គនាយកដ្ឋានថ្នាំបង្ការបាននិយាយថា មេរោគថ្មីនេះបានលេចចេញ នៅពេលដែលប្រទេសវៀតណាមបានកត់ត្រាករណីឆ្លងកូវីដ ១៩ ចំនួន ១៤២,០០០ ករណីក្នុងរយៈពេល ២ ខែចុងក្រោយនេះ ខណៈវីរុសអូមីក្រុងក្លាយពូជប្រភេទមួយទៀតគឺ BA.2 កំពុងគ្របដណ្តប់លើករណីឆ្លងថ្មីនេះ ។

ទន្ទឹមនោះការរកឃើញនេះកើតឡើងតែប៉ុន្មានសប្ដាហ៍ប៉ុណ្ណោះ បន្ទាប់ពីប្រទេសម៉ាឡេស៊ីក៏បានប្រកាសរកឃើញវីរុសកូវីដបំប្លែងខ្លួនអូមីក្រុងពូជថ្មី BA.5 ចំនួន ២ ករណី កាលពីពាក់កណ្ដាលខែមិថុនាកន្លងមក ។

គួរបញ្ជាក់ថា វីរុសអូមីក្រុងក្លាយពូជប្រភេទ BA.5 ត្រូវបានរកឃើញលើកដំបូងនៅអាហ្វ្រិកខាងត្បូងក្នុងខែមករា ហើយចាប់តាំងពីពេលនោះមក វាបានក្លាយទៅជាវីរុសបំប្លែងខ្លួនប្រភេទថ្មីឆ្លងកាន់តែខ្លាំងនៅក្នុងប្រទេសមួយចំនួន ខណៈ WHO បានចាត់ថ្នាក់ជាក្រុមវីរុសកូវីដអូមីក្រុងដែលស្ថិតក្រោមការត្រួតពិនិត្យ ៕

ប្រែសម្រួលដោយ ៖ ជីវ័ន្ត

ប្រភព ៖ Tuoi Tre

ចុចអាន ៖ ស្ងាត់ៗ ប្រទេសអាស៊ីអាគ្នេយ៍ រកឃើញ អូមីក្រុង ពូជថ្មី ២ប្រភេទ ឆ្លងកាន់តែខ្លាំង (មានវីដេអូ)