អ៊ុយក្រែន ប្រាប់ទីក្រុងបន្ទាប់ដែល រុស្ស៊ី នឹងបើកការវាយលុក

អភិបាលតំបន់ Luhansk លោក Serhiy Gaidai បានប្រាប់ Reuters នៅក្នុងបទសម្ភាសន៍មួយថា ទីក្រុង Sloviansk និងទីក្រុង Bakhmut ភាគខាងកើតអ៊ុយក្រែន នឹងក្លាយជាគោលដៅបន្ទាប់ដែលរងការវាយប្រហារពីកងកម្លាំងរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Gaidai បាននិយាយថា រុស្សីនឹងផ្លាស់ប្តូគោលដៅសំខាន់ៗនៃសង្រ្គាមរបស់ខ្លួនក្នុងប្រទេសអ៊ុយក្រែនដើម្បីព្យាយាមដណ្តើមយកតំបន់ Donetsk ទាំងអស់ បន្ទាប់ពីទើបយកបានតំបន់ Luhansk ដែលនៅក្បែរគ្នា ។

កងកម្លាំងរុស្ស៊ីបានប្រកាសពីការគ្រប់គ្រងទាំងស្រុងលើតំបន់ Luhansk នៅភាគខាងកើតប្រទេសអ៊ុយក្រែន បន្ទាប់ពីដណ្ដើមកាន់កាប់បន្ទាយចុងក្រោយនៅទីក្រុង Lysychansk ។

គួរបញ្ជាក់ថា កាលពីថ្ងៃទី២៤ ខែកុម្ភៈ រុស្ស៊ីបានបើកប្រតិបត្តិការយោធាពិសេសមួយក្នុងប្រទេសអ៊ុយក្រែន បន្ទាប់ពីសាធារណរដ្ឋ Donetsk និង Luhansk បានស្នើសុំជំនួយដើម្បីការពារពួកគេពីការវាយប្រហារកាន់តែខ្លាំងដោយកងទ័ពអ៊ុយក្រែន ។

ស្របពេលជាមួយគ្នានេះ រុស្ស៊ី​បាន​និយាយ​ថា គោលដៅ​របស់ទីក្រុងមូស្គូគឺ​ធ្វើ​ឲ្យ​តំបន់គ្មាន​យោធា និង​បំបាត់លទ្ធិ​ណាហ្ស៊ី​អ៊ុយក្រែន ហើយគោលដៅតែមួយគត់របស់រុស្ស៊ីគឺសំដៅទៅលើហេដ្ឋារចនាសម្ព័ន្ធយោធារបស់អ៊ុយក្រែន ជាពិសេសគឺដើម្បីការពារជនស៊ីវិលនៅក្នុងតំបន់ Donbass ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ អង់គ្លេស សន្យាធ្វើគ្រប់យ៉ាងដើម្បីឲ្យ អ៊ុយក្រែន ឈ្នះសង្គ្រាម

ចុចអាន ៖ រុស្ស៊ី បាញ់មីស៊ីលកម្ទេចទីតាំង ២ កន្លែងនៅភាគខាងត្បូង អ៊ុយក្រែន ស្លាប់ និងរបួសរាប់សិបនាក់