កំពូលសត្វមហាគគ្រិចបំផុតទាំង ៩ ប្រភេទ លើពិភពលោក

ធម្មជាតិបង្កើតភាៈវរស់មកមានគ្រប់ទម្រង់គ្រប់ប្រភេទ មានទាំងសត្វគួរឲ្យស្រលាញ់ សត្វកាចសាហាវ សត្វទុកជាចំណីមនុស្ស ហើយក៏មានសត្វកំពូល​ដ៏គគ្រិច គួរឲ្យ​ខ្ពើម​មកជាមួយផងដែរ។ សត្វកំពូលគគ្រិចខាងក្រោមនេះ មានការរស់នៅគួរឲ្យខ្ពើម ដែលអ្នកមិនដែរដឹងពីមុនមកសោះ៖

១. ប្រជៀវ

សត្វប្រជៀវ​មិនត្រឹមតែគួរឲ្យស្អប់នោះទេ វាថែមទាំងមានផ្ទុកសត្វល្អិត និងពពួកប៉ារ៉ាស៊ីត​ជាច្រើន​ទៀត​ផង​​​ ដែល​ជា​មេ​បង្ក​ហេតុ​នៃ​ជំងឺ​កាចសាហាវ​ដូចជា អេប៊ុយឡា និង​ជំងឺ​ឆ្កែឆ្កួត សូម្បី​តែ​លាមក​វា​ក៏​ប៉ះពាល់​ដល់​ប្រព័ន្ធ​ការពារ​របស់​មនុស្ស​លោកដែរ។

២. ត្មាត

សត្វស្លាបនេះជាសត្វល្បី​ខាងស៊ី​សាកសព វារុកក្បាល​ចូល​ទៅ​ក្នុង​សាកសព​រហូត​ដល់ទំពែកក្បាល អ្វីដែលកាន់តែគួរឲ្យខ្ពើម​នោះគឺវានោម​ដាក់​ខ្លួនឯង​ ពេល​វា​ក្ដៅ​ស្អុះ​ ព្រោះ​សត្វ​ត្មាត​មិន​បែក​ញើស​ទេ។

៣. សត្វ​​ផោម

យើងធ្លាប់តែស្គាល់ពីសត្វនេះ​នៅក្នុងគំនូរជីវចល​តួឯក​ខាង​បញ្ចេញ​ឧស្ម័ន ហើយ​ជីវិត​ពិត​ក៏​វា​តែងតែ​បញ្ចេញ​ឧស្ម័នដើម្បីការពារខ្លួនដូចគ្នា។

៤. ខ្លាឃ្មុំកូឡា

កុំគិតឲ្យសោះថាចង់អោប​សត្វដ៏គួរឲ្យស្រលាញ់មួយនេះ វាមានផ្ទុកជំងឺកាមរោគ មិនតែប៉ុណ្ណោះសត្វនេះបញ្ចុកលាមកឲ្យកូនវាស៊ីដើម្បីពង្រឹងប្រព័ន្ធស៊ាំទៅវិញ។

៥. សត្វរំពេរ

សត្វរំពេរមានទម្លាប់ពីធម្មជាតិមួយ គឺព្រួតគ្នាក្អួតដាក់សត្រូវ លើសពីនេះទៀតវាជាសត្វបំពុលចម្លងមេរោគដល់មនុស្សតាមរយៈការបន្ទោរបង់ពាសវាលពាសកាលដាក់ទឹកនិងកន្លែងរស់នៅរបស់យើង។

៦. សត្វកវែង

អ្នកប្រហែលមិនដឹងទេថា សត្វកវែងស៊ីអាចមន៍ច្រមុះនិងត្រចៀកខ្លួនឯង ដោយប្រើអណ្ដាតដ៏វែងរបស់វា។

៧. ដំរីទឹក

ក្រៅពីភាពកាចសាហាវ ដំរីទឹកមានទម្លាប់អាក្រក់មួយដែរ គឺវាបក់កន្ទុយធ្វើឲ្យលាមកនិងទឹកនោមខ្ទាតទៅជុំវិញប៉ះគេប៉ះឯង។

៨. កាំប្រម៉ា

កាំប្រម៉ាជាកំពូលអ្នកបន្ទោរបង់មិនប្រកាន់ទីកន្លែង និងពេលវាលាបើអ្នកចង់យកវាមកចិញ្ចឹមត្រៀមខ្លួនក្លាយជាអ្នកសម្អាតប្រចាំខ្លួនវាទៅ។

៩. រុយ

នរណាក៏ដឹងដែរថាវាគគ្រិចកម្រិតកំពូលណា រុយសត្វជំនាញខាងស៊ីលាមករួចមកជុះនិងក្អួតពីលើអាហារមនុស្សបន្ត។

យ៉ាងណាមិញ សត្វទាំងនេះដើរតួយ៉ាងសំខាន់ក្នុងប្រព័ន្ធអេកូបរិស្ថានទោះបីជាវាគគ្រិចក៏ពិតមែន សត្វនីមួយៗសុទ្ធតែមាននាទីសំខាន់ៗសម្រាប់ធម្មជាតិ ជាក់ស្ដែង​មនុស្សទៅវិញទេដែរជាអ្នកគគ្រិចពិតប្រាកដ៕

ប្រែសម្រួល៖វារី

ចុចអាន៖រឿងរ៉ាវប្លែកៗ ៦​ យ៉ាង ពីសត្វកង់ហ្គូរូ

ចុចអាន៖ការពិតដ៏គួរឲ្យភ្ញាក់ផ្អើលទាំង ៩ ពីសត្វឃ្មុំ គ្រប់គ្នាអាចមិនដឹងសោះ