ព័ត៌មានជាតិ
លោក លី ធុជ៖ ស្ត្រីគួរចូលរួមឲ្យបានគ្រប់ទម្រង់ការងារបោសសម្អាតមីននៅកម្ពុជា
នៅក្នុងកិច្ចប្រជុំពិគ្រោះយោបល់ដែលបានរៀបចំឡើងក្រោមការគាំទ្រថវិកាពីគម្រោងបោសសម្អាតមីន ដើម្បីលទ្ធផល(Clearing for Results) លោកលី ធុជ ទេសរដ្ឋមន្ត្រីនិងជាអនុប្រធានទី ១ នៃអាជ្ញាធរមីនបានគូសបញ្ជាក់ថា រដ្ឋាភិបាលកម្ពុជា បានជំរុញលើកទឹកចិត្តឲ្យមានការចូលរួមពីស្ត្រីនៅគ្រប់ទម្រង់ការងារ និងស្ថានភាពទាំងអស់នៃការងារបោសសម្អាតមីននៅកម្ពុជា។
លោក លី ធុជ បានមានប្រសាសន៍ថា បច្ចុប្បន្ននេះវិស័យមីននៅកម្ពុជាមានការចូលរួមច្រើនពីស្ត្រីប្រមាណ៥០% ជាអ្នកដោះមីន ក្នុងការធានាសុខសុវត្ថិភាពនិងផ្ដល់ក្តីសង្ឃឹមទៅដល់ប្រជាពលរដ្ឋនៅតាមមូលដ្ឋាន។
តាមរយៈការដាក់ចេញនៅគោលនយោបាយក្នុងការលើកកម្ពស់សមភាពយេនឌ័រ ការការពារសិទ្ធិស្ត្រី នឹងផ្ដល់តួនាទីឲ្យស្ត្រីចូលរួមគ្រប់សកម្មភាពសង្គមនិងនយោបាយ។
លោក លី ធុជ បានណែនាំគោលការណ៍៧ចំណុចដល់អង្គពិគ្រោះយោបល់ចូលរួមរបស់ស្ត្រី ដើម្បីឲ្យរួចផុតពីការព្រួយបារម្ភ ការភ័យខ្លាច និងផ្លាស់ប្ដូរផ្នត់គំនិតឲ្យកាន់តែមានភាពរឹងមាំ និងក្លាហាន ក្នុងនោះរួមមាន ១.ត្រូវធ្វើអ្វីឱ្យល្អបំផុតដែលអាចធ្វើបាន ២.អនុញ្ញាតឱ្យខ្លួនឯងត្រូវបានគេមើលឃើញ ៣.ទៅមុខកាន់តែឆ្ងាយ កុំភ័យខ្លាច បញ្ចេញវាចេញឱ្យអស់ និងកុំទុកអ្វីចោល ៤.នេះគឺជាខ្លួនឯង ៥.នេះគឺជាកន្លែងដែលខ្លួនឯងមក ៦.នេះគឺជាកំហុសឆ្គងរបស់ខ្លួនឯង និង ៧.នេះគឺជាអ្វីដែលមានន័យថាជាកម្មសិទ្ធិរបស់អ្នក។
គួរបញ្ជាក់ថា កិច្ចប្រជុំកាលពីម្សិលមិញនេះធ្វើឡើងក្នុងគោលបំណងត្រួតពិនិត្យរួមគ្នាលើខ្លឹមសារសេចក្តីព្រាង និងប្រមូលធាតុចូល/យោបល់បន្ថែមពីប្រតិបត្តិករ ក្រុមការងារផែនការសកម្មភាពមីន(ម៉ាពូ) និងភាគីពាក់ព័ន្ធ ដើម្បីឱ្យគោលការណ៍ណែនាំនេះកាន់តែមានលក្ខណៈល្អប្រសើរ និងអាចឆ្លើយតបទៅនឹងការអនុវត្តជាក់ស្តែងបានគ្រប់ជ្រុងជ្រោយ៕
ដោយ៖ ឌឿនចាន់ ថារី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង