ជីវិតកម្សាន្ដ

សុខ ពិសី ចេញមកនិយាយចំៗ រឿងមនុស្សប្រុសស្រលាញ់រកតែស្រីស្អាត

បានផុស

៤ years មុន

នៅ

ថ្ងៃអង្គារ ២០ កញ្ញា ២០២២

ដោយ

សុខ ពិសី តារាចម្រៀងស្រីប្រចាំផលិតកម្មសាន់ដេ បានចេញមកប្រលះចំៗ រឿងមនុស្សប្រុសស្រលាញ់រកតែស្រីស្អាតយកមកធ្វើជាគូអនាគត ប៉ុន្តែមិនបានមើលចិត្ត និងបេះដូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា សុខ ពិសី បច្ចុប្បន្នត្រូវបានគេចាត់ទុកថា នាងកំពូលតារាចម្រៀងសំនៀងផ្អែម ដែលរក្សាបានការគាំទ្រ និងមានប្រជាប្រិយភាពចេះថមថយ។ ដោយសារហេតុផលនេះហើយ ទើបបានអ្នកគាំទ្រយល់ឃើញថា នេះជាជោគជ័យដ៏ធំរបស់តារាស្រីកញ្ញា សុខ ពិសី បន្ថែមទៀតទាំងរូបសម្ផស្ស អាជីពសិល្បៈ និងមុខជំនួញរបស់នាងនាពេលបច្ចុប្បន្ន។ លើសពីនេះ ពិសី ក៏នៅតែរក្សាបានសន្ទុះនៃការគាំទ្រ និងមានទីផ្សារចម្រៀងខ្លាំងមិនចាញ់មិត្តភក្តិរួមជំនាន់ឡើយ ខណៈរូបសម្ផស្ស សុខ ពិសី គឺរក្សាបានភាពស្រស់ស្អាត និងមានរាងតូចច្រឡឹងគួរឲ្យស្រលាញ់។

ទន្ទឹមគ្នាដែលតារាចម្រៀង សុខ ពិសី បាននិងកំពុងជោគលើវិថីសិល្បៈ និងមុខជំនួញនេះដែរ តារាស្រីរូបនេះ ជារឿយៗ គឺគេឃើញនាងតែចេញសារដាស់តឿនចំពោះអ្នកគាំទ្រដូចគ្នា។ ជាក់ស្តែងពេលនេះ សុខ ពិសី បានចេញខ្លឹមសារថ្មីហាក់មានចេតនាបំផុសអ្នកនៅជុំវិញខ្លួន ដោយផ្តោតសំខាន់លើបុរសៗដែលតែប្រាថ្នានារីៗស្រស់ស្អាតធ្វើប្រពន្ធ។

កញ្ញា សុខ ពិសី បានរៀបរាប់ថា អ្នកតែងតែប្រាថ្នាមនុស្សស្រីដែលមានរូបសម្រស់ស្រស់ស្អាតមកធ្វើជាគូអនាគត ប៉ុន្តែពេលដែលនាងលែងស្អាត អ្នកក៏ចាប់ផ្ដើមប្រែប្រួលចិត្ត ត្រូវចាំថាសម្រស់មិនអមតៈនោះទេ អ្វីដែលអមតៈ គឺចិត្ត និងបេះដូងស្មោះត្រង់របស់នាងថែនាងឲ្យបានល្អ ព្រោះនាងមិនចេះតែផ្ដល់ឱកាសឲ្យអ្នកចូលមកបំផ្លាញចិត្តនាងច្រើនដងនោះទេ។

សូមជម្រាបដែរថា តារាចម្រៀងស្រីលំដាប់កំពូលរបស់សាន់ដេ កញ្ញា សុខ ពិសី ត្រូវបានគេចាត់ទុកថា នាងជារាជិនីសម្រស់ ខណៈឈានចូលដល់ដើមឆ្នាំ ២០២២ ភ្លាម សុខ ពិសី កាន់តែត្រូវប៉ាន់លើទីចម្រៀងការផ្សព្វផ្សាយស្ពតធំៗ និងមុខជំនួញផ្ទាល់ខ្លួនជាដើម៕

អត្ថបទ៖ ចាន់រ៉ា