ជីវិតកម្សាន្ដ

ហ៊ុយ យ៉ាឡេង ជួបរឿងរីករាយនិងកើតទុក្ខព្រមគ្នានៅបំណាច់ឆ្នាំ២០២០

បានផុស

៦ years មុន

នៅ

ថ្ងៃអង្គារ ២៩ ធ្នូ ២០២០

ដោយ

ស្ទើរតែមិនគួរឲ្យជឿសម្រាប់មហាជនព្រមទាំងផលិតករភាពយន្តល្បីឈ្មោះរបស់ខ្មែរ លោក ហ៊ុយ យ៉ាឡេង ស្របពេលចូលមកដល់បំណាច់ឆ្នាំចាស់២០២០ចូលឆ្នាំ២០២១ឆាប់ៗខាងមុខនេះ គឺលោកស្រាប់តែកើតមាននូវរឿងរ៉ាវហួសចិត្តផ្ទួនៗគ្នា២ ដែលករណីទី១ជារឿងគួរឲ្យរំភើបនិងរីករាយ។ដោយឡែកករណីទី២គឺជារឿងសោកសៅសម្រាប់លោកនិងក្រុមគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះរឿងហេតុទាំងពីរនេះ មិនត្រឹមតែធ្វើឲ្យសាមីខ្លួនលោក ហ៊ុយ យ៉ាឡេង សម្តែងអារម្មណ៍ហួស ចិត្តស្ទើរនឹកស្មានមិនដល់នោះទេ ពោលគឺសូម្បីតែអ្នកគាំទ្រលោកជាច្រើនក៏បានយល់ឃើញដូចគ្នានឹងថែមទាំងអាណិតដល់ផលិតករភាពយន្តរូបនេះផងដែរ។ បើតាមការឲ្យដឹងពីលោក ហ៊ុយ យ៉ាងឡេង សម្រាប់រឿងរ៉ាវទាំងពីរដែលធ្វើឲ្យលោកសប្បាយចិត្តផងនិងកើតទុក្ខផងនោះ គឺដំបូងឡើយខ្លួនទទួលបានដំណឹងដ៏រីករាយ ព្រោះភាពយន្តរបស់លោកគឺរឿង ដើម្បីកូន ត្រូវបានជ្រើសរើសជាតំណាងកម្ពុជា យកទៅចូលរួមប្រកួតពានរង្វាន់ភាពយន្តអន្តរជាតិ។ ប៉ុន្តែក្រោយមកទៀតអ្វីដែលកំពុងតែត្រៀមខ្លួននិងរីករាយនេះ បែរជាធ្វើឲ្យអារម្មណ៍របស់លោកមិនសប្បាយចិត្តទៅវិញ ពោលគឺបន្ទាប់ពីទទួលបានដំណឹងនៃការទទួលមរណភាពជីតារបស់ខ្លួនយ៉ាងសោកសៅបំផុត។

លោក ហ៊ុយ យ៉ាឡេង បានរៀបរាប់ថា ជិតឆ្លងចូលឆ្នាំ២០២១ ដំណឹងរីករាយក៏មកដល់ ពោលគឺភាពយន្តរឿ ដើម្បីកូន(Fathers)របស់ខ្ញុំ បានទទួលជ្រើសយកជាតំណាងកម្ពុជា ទៅចូលរួមប្រកួតពានរង្វាន់ភាពយន្តអន្តរជាតិ TheAcademy តែទន្ទឹមនឹងនោះក្តីទុក្ខក៏តាមមកជាមួយ គឺលោកតាខ្ញុំក៏ទទួលមរណៈភាពផងដែរ។

ជាមួយគ្នានេះលោក ហ៊ុយ យ៉ាឡេង បាននិយាយបន្ថែមទៀតថា ឱឆ្នាំ២០២០អើយខ្ញុំខ្លាចអ្នកហើយហើយសុំអ្វីៗគ្រប់យ៉ាងនឹងល្អប្រសើរឡើងនៅឆ្នាំ២០២១។ ទន្ទឹមគ្នានៃការលើកឡើងរបស់លោក ហ៊ុយ យ៉ាឡេង ខាងលើនេះបានធ្វើឲ្យអ្នកគាំទ្រមួយចំនួនធំ បង្ហាញការលើកទឹកចិត្ត ហើយជូនពរឲ្យលោក ហ៊ុយ យ៉ាឡេង ជោកជ័យក្នុងការចូលរួមប្រកួតពានរង្វាន់ភាពយន្តអន្តរជាតិនាពេលខាងនេះ៕

អត្ថបទ ៖ ចាន់រ៉ា