កីឡា

ទីបំផុតក្តីស្រមៃតាំងពីកុមារភាពរបស់ Benzema បានក្លាយជាការពិត

បានផុស

៣ years មុន

នៅ

ថ្ងៃអង្គារ ១៨ តុលា ២០២២

ដោយ

ក្តីស្រមៃតាំងពីកុមារភាពរបស់ Karim Benzema បានក្លាយជាការពិត បន្ទាប់ពីរូបគេបានឈ្នះពានរង្វាន់ Ballon d’Or ប្រចាំឆ្នាំ២០២២ ក្រោយរូបគេបានជួយក្លឹប Real Madrid ឈ្នះជើងឯកលីគកំពូលអេស្ប៉ាញ និងពានទ្វីបអឺរ៉ុប UEFA លើកទី១៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដូវកាលកន្លងទៅនេះ Benzema អាយុ៣៤ឆ្នាំរកបាន២៧គ្រាប់ក្នុងលីគអេស្ប៉ាញ La Liga និងជាអ្នករកគ្រាប់បាល់ច្រើនជាងគេនៅពានរង្វាន់ Champions League ចំនួន១៥គ្រាប់។ ក្នុងចំណោមនោះ រូបគេរកបាន១០គ្រាប់ក្នុងវគ្គចាញ់ធ្លាក់ ឈ្នះឡើងវគ្គបន្ត រាប់ទាំងការធ្វើបាន hat-tricks លើក្លឹប Paris Saint-Germain និង Chelsea។ រូបជាកីឡាករបារាំងដំបូងដែលបានឈ្នះពានរង្វាន់នេះ ចាប់តាំងពី Zinedine Zidane បានឈ្នះកាលពីឆ្នាំ១៩៩៨។

ក្នុងពិធីប្រគល់ និងទទួលពានរង្វាន់យប់មិញ Benzema បាននិយាយថា ៖«ពានរង្វាន់នៅចំពោះនេះធ្វើឲ្យខ្ញុំមានមោទនភាពខ្លាំងណាស់។ ខ្ញុំមិនដែលបោះបង់ចោលឡើយ វាជាក្តីស្រមៃរបស់ខ្ញុំតាំងពីកុមារភាព។ វាជាពេលដ៏លំបាកនៅពេលខ្ញុំមិនមានវត្តមានជាមួយក្រុមជម្រើសជាតិបារាំង ប៉ុន្តែខ្ញុំនៅតែបន្តខំប្រឹង។ ខ្ញុំបន្តឆ្ពោះទៅមុខដោយភាពវិជ្ជមាន និងរីករាយចំពោះការលេងរបស់ខ្ញុំ។ ខ្ញុំពិតជាមោទនភាពណាស់ចំពោះវិថីបាល់ទាត់របស់ខ្ញុំមកដល់ពេលនេះ»។

កីឡាករ Sadio Mané ដែលចាកចេញពី Liverpool ទៅ Bayern Munich ស្ថិតនៅចំណាត់ថ្នាក់លេខ២ និងទទួលបានពានរង្វាន់ Socrates សម្រាប់ការងារជួយសង្គមនៅប្រទេសសេណេហ្គាល់របស់គាត់។ អ្នកនាំលេងរបស់ Manchester City កីឡាករ Kevin De Bruyne ស្ថិតនៅលេខ៣ ខណៈលេខ៤ Robert Lewandowski និងលេខ៥ Mohamed Salah៕

ប្រែសម្រួល៖ វីរបុត្រ