ជីវិតកម្សាន្ដ
តារាពហុជំនាញ ខាត់ សុឃីម ផ្តល់ឱកាសបុរសលក់លៀសហាលចូលសម្តែងក្នុងកម្មវិធីមួយ
បន្ទាប់ពីមានការចែករំលែកវីដេអូដែលសរសើរចំពោះទេពកោសល្យរបស់បុរសលក់លៀសហាលដែលមានសំនៀងដូចតារាចម្រៀង ខេម ភ្លាមៗនេះតារាស្រីពហុជំនាញអ្នកនាង ខាត់ សុឃីម បានប្រកាសផ្ដល់ឱកាសដល់បុរសរូបនេះបានចូលរួមសម្តែងនៅក្នុងកម្មវិធីមួយនាពេលឆាប់ៗនេះ។
ជាក់ស្តែងកាលពីប៉ុន្មានថ្ងៃមុននេះតារាចម្រៀង ខាត់ សុឃីម ក៏បានប្រកាសសួររកលេខទូរស័ព្ទរបស់បុរសលក់លៀសហាលឈ្មោះ ផល ចំរើន ផងដែរស្របពេលដែលមានការចុះផ្សាយព្រោងព្រាតនៅសារព័ត៌មានក្នុងស្រុកមួយចំនួន។
យ៉ាងមិញក្រោយការប្រកាសស្វែងរកលេខទូរស័ព្ទ ផល ចំរើន អ្នកនាង ខាត់ សុឃីម ក៏ទទួលបានការទំនាក់ទំនងជាមួយបុរសលក់លៀសហាលខាងលើ។ ក្នុងនោះតារាពហុជំនាញរូបនេះបានបញ្ជាក់ឲ្យដឹងថាអរគុណជួបអ្នកលក់លៀសអភិជនថ្ងៃ៣០ ខែតុលាឆ្នាំ២០២២នៅក្នុងកម្មវិធី”ទ្រព្យលោកពុក”ដែលធ្វើការផ្សាយវេលាម៉ោង ១០ ព្រឹកដល់ម៉ោង១២ ថ្ងៃត្រង់។
អ្នកនាង ខាត់ សុឃីមបានប្រាប់ពីមូលហេតុដែលផ្តល់ឱកាសសម្តែងដល់លោក ផល ចំរើន ដូច្នេះថា គោលបំណងដែលអ្នកនាង និងអ្នកនៅអាមេរិកសម្រេចចិត្តហៅលោក ផល ចំរើនមកចូលរួមសម្ដែងជាមួយព្រោះចាប់អារម្មណ៍ខ្លាំងទៅលើ ភាពប៉ិនប្រសព្វ និងគំនិតប្លែកៗ ដែលមើលទៅប្រៀបបីដូចតារាសម្ដែងអាជីព។ មួយវិញទៀតគឺដើម្បីជួយដោះស្រាយជីភាពដ៏លំបាករបស់លោកសម្រាប់មើលថែម្ដាយជរា និងការរស់នៅប្រចាំថ្ងៃបានមួយផ្នែក។
សូមជម្រាបថាថ្មីៗនេះនៅលើបណ្តាញសង្គមហ្វេសប៊ុក និងតិកតុកបានផ្ទុះការចាប់អារម្មណ៍និងភ្ញាក់ផ្អើលគ្រប់គ្នាក្រោយមានការចែករំលែកនូវវីដេអូខ្លីមួយបង្ហាញពីសកម្មភាពបុរសលក់លៀសហាលម្នាក់ដែលបានយកបទចម្រៀងរបស់លោក ខេម មកបកស្រាយយ៉ាងពិរោះ។ មិនតែប៉ុណ្ណោះសំឡេងរបស់បុរសរូបនេះត្រូវបានគេប្រៀបធៀបថាដូចទៅនឹងសម្លេងម្ចាស់ដើមលោក ខេម ផងដែរ៕
អត្ថបទ៖ ចាន់រ៉ា
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង១ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៤ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៤ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៣ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ