ចូលដល់ខែវិច្ឆិកាភ្លាម ប្រជាជនថៃ នាំគ្នាផ្អើលចាក់ឆ្នោត តាមជយលាភីរងទី១ ដែល Engfa ឈ្នះលើឆាក​ MGI

កម្មវិធី​ប្រកួត​សម្រស់​ Miss Grand International 2022 ដែល​ប្រារព្ធ​ធ្វើ​នៅ​មជ្ឈមណ្ឌល​សន្និបាត​អន្តរជាតិ Sentul ក្នុង​ប្រទេស​ឥណ្ឌូណេស៊ី​ បានបញ្ចប់ទៅតាំងពីថ្ងៃទី២៥ ខែតុលា ឆ្នាំ២០២២ មកម្ល៉េះ ដែលជយលាភីឯកបានទៅលើបវរកញ្ញា Isabella Menin តំណាងប្រទេសប្រេស៊ីល និងលំដាប់រងទី១​បានទៅលើបវរកញ្ញា Engfa Waraha តំណាងប្រទេសថៃ។

ថ្វីត្បិតកម្មវិធីប្រកួត Miss Grand International 2022 បានកន្លងផុតទៅជាច្រើនថ្ងៃហើយក្ដី ប៉ុន្តែចូលមកដល់ថ្ងៃទី១ ខែវិច្ឆិកានេះភ្លាម ប្រជាជនថៃស្រាប់តែនាំគ្នាផ្អើលចាក់ឆ្នោតភ្លូកទឹកភ្លូកដី តាមលេខសំណាងនានាដែលពាក់ព័ន្ធនឹងបវរកញ្ញា Engfa។ ក្នុងនោះដែរ អ្នកខ្លះបានចាក់ឆ្នោតផ្សងសំណាងតាមថ្ងៃឆ្នាំកំណើតរបស់នាង អ្នកខ្លះចាក់តាមលេខកម្ពស់ ខណៈខ្លះទៀតចាក់តាមថ្ងៃខែដែលនាងដណ្ដើមបានជយលាភីរងទី១ នៅលើឆាក ​MGI ឆ្នាំ២០២២។

គួរបញ្ជាក់ថា ប្រជាជនថៃនិយមចាក់ឆ្នោតផ្សងសំណាងសឹងគ្រប់កន្លែងនៅទូទាំងប្រទេស។ នៅក្នុងវប្បធម៌ និងជំនឿជនជាតិថៃ ពួកគេជឿថា ការកាត់លេខឆ្នោតតាមតម្រុយផ្សេងៗដែលពាក់ព័ន្ធនឹងបុគ្គលល្បីៗ ពិតជាបានផលល្អពិតៗ៕

ប្រែសម្រួល៖ សន្យា

ចុចអាន៖ ស្ដាប់បទនេះ​ហើយ ទើបដឹងថា Engfa ចេះច្រៀងពីរោះប៉ុនណា (មានវីដេអូ)