ព័ត៌មានជាតិ

កូវីដ-១៩ ប្រែក្លាយភោជនីយដ្ឋានមួយកន្លែងនៅច្បារអំពៅ ទៅជាយានដ្ឋានជួសជុលរថយន្ត

បានផុស

៤ years មុន

នៅ

ថ្ងៃអង្គារ ៥ មករា ២០២១

ដោយ

ចាប់តាំងពីជំងឺកូវិដ-១៩ ចាប់ផ្តើមកកើតឡើងទូទាំងពិភពលោករហូតមកដល់ប្រទេសកម្ពុជារួចមក បានធ្វើឱ្យបណ្តាស្ថាប័ន ក៏ដូចជាសហគ្រាសមួយចំនួន បានផ្អាកការងារជាបណ្តោះអាសន្ន ក្នុងនោះក៏មានភោជនីយដ្ឋានជាច្រើនផងដែរ។

ម្ចាស់ភោជនីយដ្ឋានមួយកន្លែងក្នុងមូលដ្ឋានខណ្ឌច្បារអំពៅ បាននិយាយថា ពីមុនទីតាំងរបស់ខ្លួនមានភ្ញៀវចូលពិសារអាហារយ៉ាងច្រើន ហើយទទួលប្រាក់ចំណេញក៏ច្រើន ដែលបានចិញ្ចឹមបុគ្គលិកប្រមាណជាង៦០នាក់ ប៉ុន្តែចៃដន្យនៅក្នុងឆ្នាំ២០២០ ស្រាប់តែជំងឺកូវីដ-១៩ ផ្តើមវាយលុកមកធ្វើឲ្យបាត់បង់ភ្ញៀវរហូតរកលុយសម្រាប់បង់ថ្លៃទឹក ភ្លើងមិនបានផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ហាងដដែលបន្តថា បើសិនជាគាត់នៅបន្តទុកជាកន្លែងលក់ដូរម្ហូបអាហារតទៅទៀត នោះគាត់នឹងត្រូវធ្លាក់ខ្លួនក្រ ខណៈដែលគ្រួសាររបស់គាត់ឆ្លងផុតភាពក្រីក្រអស់រយះពេលជាង២០ឆ្នាំមកហើយ។

ដូច្នេះហើយ ទើបគ្រួសាររបស់គាត់តម្រូវឲ្យប្រែទីតាំងជាភោជនីយដ្ឋានទៅជាយានដ្ឋានជួសជុលរថយន្តវិញ ទើបអាចស្តាសេដ្ឋកិច្ចបាន។

គួរគត់សម្គាល់ថា ក្នុងកំឡុងជំងឺកូវីដ-១៩នេះ គេសង្គេតឃើញមានទីតាំងកម្សាន្តមួយចំនួនបានយកឱកាសនេះ ប្រែក្លាយសេវាកម្មរបស់ខ្លួន ដើម្បីបន្តទ្រទ្រង់សេដ្ឋកិច្ច ខណៈកន្លែងកម្សាន្តខ្លះ ក៏បានបិទទ្វារផងដែរ៕

អត្ថបទ ៖ នរា

Related Topics:វិបត្តិសេដ្ឋកិច្ច