រកឃើញ ៤ក្រុមទៀត ឡើងទៅវគ្គ ១៦ក្រុមចុងក្រោយ World Cup 2022

ក្រោយបញ្ចប់ការប្រកួតពូល A និង​​ B កាលពីយប់មិញនេះ គេបានរកឃើញ៤ក្រុមទៀតហើយ ​ដែលឡើងទៅកាន់វគ្គ ១៦ក្រុមចុងក្រោយនៃពានរង្វាន់បាល់ទាត់ពិភពលោកឆ្នាំ២០២២។

ក្នុងពូល A ក្រុមជម្រើសជាតិហូឡង់ បានចាប់ដៃ សេណេហ្គាល់ ឡើងទៅវគ្គបន្ត បន្ទាប់ពីទទួលជ័យរៀងៗខ្លួន។

ក្នុងការប្រកួតចុងក្រោយនៃពូល A ហូឡង់បានយកឈ្នះម្ចាស់ផ្ទះកាតា ២-០ ក្តោបបាន៣ពិន្ទុបន្ថែម ខណៈសេណេហ្គាល់ យកឈ្នះអេក្វាឌ័រ ២-១។

ឆ្លងកាត់៣ប្រកួត ហូឡង់ ឈរលេខ១ពូល A មាន ៧ពិន្ទុ សេណេហ្គាល់ លេខ២ មាន ៤ពិន្ទុ អេក្វាឌ័រលេខ៣ មាន៣ពិន្ទុ និងកាតា លេខ៤ មាន០ពិន្ទុ។

ចំណែក ពូល B អង់គ្លេស និងអាមេរិក ជាក្រុមឡើងកាន់វគ្គ១៦ក្រុមចុងក្រោយ។ អង់គ្លេស បានលុត វេលស៍ ៣-០ ខណដែល អេមេរិក យកឈ្នះ អ៊ីរ៉ង់ ទាំងប៉ផុតប៉ផើយ ១-០។

អង់គ្លេស ឈរកំពូលតារាងពូល B មាន៧ពិន្ទុ រីឯអាមេរិក ឈរលេខ២ មាន៥ពិន្ទុ។ លេខ៣គឺ អ៊ីរ៉ង់ មាន៣ពិន្ទុ និងវេលស៍ លេខ៤ មាន១ពិន្ទុ។

គួរបញ្ជាក់ថា នៅវគ្គ១៦ក្រុមចុងក្រោយ ក្រុមលេខ១ពូល A គឺហូឡង់ ត្រូវប៉ះជាមួយក្រុមលេខ២ពូល B គឺអាមេរិក នៅថ្ងៃទី៣ខែធ្នូ ចំណែកក្រុមលេខ២ពូល A គឺសេណេហ្គាល់ ត្រូវប៉ះក្រុមលេខ១ពូល B គឺ អង់គ្លេស នៅថ្ងៃទី៣ខែធ្នូ៕

អត្ថបទ៖ Vann Vann

ចុចអាន៖ កាតា បង្កើតប្រវត្តិសាស្រ្ត World Cup ក្លាយជាក្រុមម្ចាស់ផ្ទះទី១ ដែលចាញ់ទាំង៣ប្រកួត ក្នុងវគ្គចែកពូល