មកស្គាល់កីឡាចម្លែកៗ ៨ ប្រភេទ នៅលើពិភពលោក

នៅលើលោកនេះពោរពេញដោយរឿងប្លែកៗ និងមនុស្សចម្លែកៗគ្រប់ប្រភេទ ពួកគេពូកែបង្កើតធ្វើរឿងដែលនឹកស្មានមិនដល់ណាស់ ។ ខាងក្រោមនេះជាកីឡា ៨ប្រភេទ បង្កើតឡើងដោយមនុស្សមកពីជុំវិញពិភពលោក ៖

១. រមៀលខ្លួនពីលើកូនភ្នំ (The Cooper’s Hill Cheese-Rolling and Wake)ប្រទេសអង់គ្លេស

ព្រឹត្តិការណ៍ក្នុងទីក្រុង Gloucester ប្រទេសអង់គ្លេស ទទួលបានភាពល្បីល្បាញជាអន្តរជាតិពីការប្រើប្រាស់ ល្បឿនលឿន កម្លាំងខ្លាំង និងមានចំនួនអ្នករបួសច្រើន ។ របៀបលេងមានលក្ខណៈងាយស្រួលដោយគ្រាន់តែរមៀលខ្លួនមួយទំហឹងធ្វើយ៉ាងណាដល់ដីមុនគេគឺជា “អ្នកឈ្នះ” ។

២. បីប្រពន្ធ (Wife Carrying) ប្រទេសហ្វីនឡេន (Finland)

មួយក្រុមមានសមាជិក ២នាក់គត់គឺ ប្រុស១ ស្រី១ តម្រូវឲ្យបុរសបីស្ត្រីហើយរត់ប្រណាំងគ្នា ហាមធ្លាក់មនុស្សស្រីដាច់ខាត ។

៣. ផ្ដួលសសរ (Bo-Taoshi) ប្រទេសជប៉ុន

មួយប្រកួតមានពីរក្រុម មួយក្រុមមានសមាជិក ៧៥នាក់ តម្រូវឲ្យផ្ដួលសសរក្រុមទៅវិញទៅមកដោយរុញច្រានបជ្រៀតគ្នា ។

៤. ហក់លើសត្វអូដ្ឋ (Camel Jumping) ប្រទេសយេម៉ែន (Yemen)

កីឡានេះជាកីឡាក្នុងកុលសម្ព័ន្ធ Zaraniq នៅភាគខាងលិចប្រទេសយេម៉ែន លេងផ្ដោតទៅលើល្បឿន និងកម្លាំង ដើម្បីហក់រំលងអូដ្ឋឱ្យច្រើនតាមដែលអាចធ្វើទៅបាន ។ យ៉ាងណាមិញ កីឡារំលងអូដ្ឋកំពុងរង់ចាំការទទួលស្គាល់ពី PETA នៅឡើយទេ ។

៥. កាច់មេជើង (Toe-Wrestling) ប្រទេសអង់គ្លេស

កីឡាកាច់មេជើងមានលក្ខណៈស្រដៀងទៅនឹងកីឡាកាច់ដៃដែរ របៀបលេងគឺតម្រូវឲ្យអ្នកប្រកួតទាំងពីរថ្ពក់មេជើងចូលគ្នា ផ្ដួលបាតជើងទៅលើឥដ្ឋ ។ មិនចម្លែកទេដែលវាជាកីឡាបង្កើតឡើងដោយមនុស្សស្រវឹង ៤នាក់ ។

៦. អ៊ុតខោអាវ (Extreme Ironing) អន្តរជាតិ

កីឡានេះតម្រូវឲ្យអ្នកលេងអ៊ុតខោអាវនៅខាងក្រៅផ្ទះកំឡុងពេលធ្វើសកម្មភាពផ្សេងៗដូចជា រត់ឡើងភ្នំ ហក់ឆ័ត្រយោង ឬហែលទឹកជាដើម ។

៧. ហុកគីក្នុងទឹក (Underwater Hockey) ប្រទេសអង់គ្លេស 

អ្នកប្រកួតត្រូវបង្អត់ដង្ហើម រួចលេងហុកគីតាមធម្មតា សម្រាប់ទីតាំងវិញគេច្រើនប្រកួតនៅក្នុងអាងទឹកដែលមានសភាពថ្លា ។

៨. អូសពពែ (Buzkashi) ប្រទេសអាហ្វហ្គានីស្ថាន (Afghanistan)

កីឡានេះមិនមែនសម្រាប់អ្នកខ្សោយបេះដូងទេ ក្រុម​អ្នកលេងតម្រូវឲ្យ​ជិះ​សេះ​ព្យាយាមអូស​ពពែងាប់​មួយ​ក្បាល​ចូលទៅ​គោលដៅសត្រូវ ។ លើសពីនោះ អ្នកលេងមានបន្ថែមការប្រើប្រាស់ខ្សែតីឲ្យមើលទៅកាន់តែកាចជាងធម្មតា ៕

ប្រែសម្រួលដោយ ៖ វារី

ចុចអាន ៖ មុខរបរចម្លែក ៤ប្រភេទ អាចរកចំណូលបានខ្ពស់ សឹងមិនគួរឱ្យជឿ