លោក Erdogan ព្រមាន ស៊ុយអែត! កុំសង្ឃឹមឲ្យសោះថា តួកគី គាំទ្រសម្រាប់ការចូលជាសមាជិក ណាតូ (មានវីដេអូ)

ប្រធានាធិបតីតួកគី លោក Tayyip Erdogan បាននិយាយនៅថ្ងៃអង្គារទី២៤ខែមករានេះថា ប្រទេសស៊ុយអែត កុំសង្ឃឹមឲ្យសោះថា តួកគី នឹងគាំទ្រការប៉ុនប៉ងចូលជាសមាជិកណាតូរបស់ខ្លួន។ ការព្រមានរបស់លោក កើតឡើងប៉ុន្មានថ្ងៃ បន្ទាប់ពីច្បាប់ចម្លងនៃគម្ពីរ Quran ត្រូវបានដុតក្នុងការតវ៉ានៅទីក្រុង ស្តុកខុល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាតុករឃើដនៅក្នុងប្រទេសស៊ុយអែត បានចងទីងមោងរូបលោក Erdogan ព្យួរជើងឡើងលើក្នុងខែនេះ ក្រោយមកក៏មានការដុតគម្ពីរ Quran តែម្តង។

ជាការឆ្លើយតប លោក Erdogan បាននិយាយថា “ស៊ុយអែត កុំសង្ឃឹមឲ្យសោះ ថាយើងនឹងគាំទ្រពួកគេ សម្រាប់ការចូលជាសមាជិកអង្គារណាតូ។ វាច្បាស់ណាស់ថា អ្នកដែលបង្កភាពអាម៉ាស់បែបនេះនៅមុខស្ថានទូតនៃប្រទេសរបស់យើង មិនអាចរំពឹងថានឹងមានក្តីមេត្តាណាមួយពីយើង ទាក់ទងនឹងពាក្យសុំរបស់ពួកគេទៀតទេ”។

តួកគីដែលជាប្រទេសភាគច្រើនមានអ្នកកាន់សាសនាមូស្លីម បានបរិហារការសម្រេចចិត្តរបស់រដ្ឋាភិបាលស៊ុយអែត ក្នុងការអនុញ្ញាតឲ្យមានបាតុកម្ម ថាជារឿងមិនអាចទទួលយកបានទាំងស្រុង។

គួរបញ្ជាក់ជាថ្មី ប្រទេសស៊ុយអែត រួមជាមួយហ្វាំងឡង់ បានដាក់ពាក្យចូលរួមជាមួយអង្គការណាតូ បន្ទាប់ពីរុស្ស៊ី វាយលុកអ៊ុយក្រែន ប៉ុន្តែការតវ៉ានាពេលថ្មីៗនេះបានបង្កើនភាពតានតឹងកាន់តែខ្លាំង។ ដើម្បីចូលរួមក្នុងណាតូបាន លុះត្រាតែមានការយល់ព្រមពីសំណាក់រដ្ឋជាសមាជិកទាំងអស់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ណាតូ និង EU ប្តេជ្ញាគាំទ្រ អ៊ុយក្រែន បន្ថែមទៀត