ព័ត៌មានជាតិ
ឆ្នាំមុន ក្រសួងមហាផ្ទៃផ្តល់អត្តសញ្ញាណប័ណ្ណសញ្ជាតិខ្មែរដល់ពលរដ្ឋបានជាង៦៥ម៉ឺននាក់
ក្នុងឆ្នាំ២០២២ កន្លងទៅនេះ ក្រសួងមហាផ្ទៃ បានផ្តល់អត្តសញ្ញាណប័ណ្ណសញ្ជាតិខ្មែរដល់ប្រជាពលរដ្ឋដែលមានអាយុចាប់ពី ១៥ឆ្នាំឡើងបានចំនួន ៦៥២ ៨៤៣នាក់។ នេះបើតាមការឲ្យដឹងរបស់លោក ប៉ោ ភក្តិ អគ្គលេខាធិការនៃក្រសួងមហាផ្ទៃ ក្នុងឱកាសធ្វើសេចក្តីរាយការណ៍ក្នុងពិធីបើកសន្និបាតត្រួតពិនិត្យលទ្ធផលការងារប្រចាំឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងមហាផ្ទៃ នាថ្ងៃទី២២ ខែកុម្ភៈ ម្សិលមិញ។
លោក ប៉ោ ភក្តិ បានឲ្យដឹងថា ការងារផ្តល់អត្តសញ្ញាណប័ណ្ណសញ្ជាតិខ្មែរនេះ គឺនៅសល់ចំនួនប្រមាណជាង១ ២៧៧ ០០០នាក់ទៀត ដែលនឹងត្រូវបន្តផ្ដល់ដល់ប្រជាពលរដ្ឋ នាពេលខាងមុខនេះ។ ជាមួយគ្នានេះ ទាក់ទិននឹងការងារផ្តល់លិខិតឆ្លងដែន លោក ប៉ោ ភក្តិ បានបញ្ជាក់ថា ក្រសួងមហាផ្ទៃ ផ្តល់លិខិតឆ្លងដែនដល់ប្រជាពលរដ្ឋបានចំនួន ២១២ ៨៣៥ក្បាល ខណៈការផ្តល់លិខិតធ្វើដំណើរដល់ពលករកម្ពុជាទៅធ្វើការនៅបរទេសបានចំនួន ៩២០ ០៣៩ក្បាល។
មន្ត្រីក្រសួងមហាផ្ទៃរូបនេះ បានថ្លែងថា ជាទិសដៅការងារសម្រាប់ឆ្នាំ២០២៣ ក្រសួងមហាផ្ទៃ នឹងបន្ដខិតខំជំរុញបញ្ចប់ការរៀបចំលិខិតបទដ្ឋានគតិយុត្តថ្មីៗ ជាពិសេស ពិនិត្យលើសេចក្តីព្រាងច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ព្រមទាំងពិនិត្យឡើងវិញចំពោះច្បាប់ និងលិខិតបទដ្ឋានគតិយុត្តនានាដែលពាក់ព័ន្ធការងារអត្តសញ្ញាណកម្ម ដើម្បីធ្វើវិសោធនកម្មឲ្យស្របតាមទស្សនាទាននានាដែលមានកំណត់ក្នុងផែនការយុទ្ធសាស្ត្រជាតិស្តីពីអត្តសញ្ញាណកម្ម ឆ្នាំ២០១៧-២០២៦។
លោក បានបន្តថា ក្រសួងមហាផ្ទៃ ក៏នឹងបន្តជំរុញការអភិវឌ្ឍសមត្ថភាពមន្ត្រីជំនាញទាំងនៅថ្នាក់ជាតិ និងថ្នាក់ក្រោមជាតិ ដើម្បីសំដៅពង្រឹងសមត្ថភាព និងការយល់ដឹងពីគោលការណ៍ និងលិខិតបទដ្ឋាននានាពាក់ព័ន្ធការងារអត្តសញ្ញាណកម្ម។ ក្នុងនោះដែរ ក្រសួងមហាផ្ទៃ នឹងជំរុញការងារបន្តតាមដាន ត្រួតពិនិត្យ និងជំរុញការងារផ្តល់អត្តសញ្ញាណប័ណ្ណសញ្ជាតិខ្មែរនៅតាមបណ្តារាជធានី-ខេត្ត ជាពិសេសការផ្តល់អត្តសញ្ញាណប័ណ្ណដែលផុតសុពលភាព ដើម្បីបំពេញសិទ្ធិដល់ប្រជាពលរដ្ឋក្នុងការចូលរួមបោះឆ្នោតជ្រើសតាំងតំណាងរាស្ត្រសម្រាប់នីតិកាលទី៧ នៃរដ្ឋសភា នាពេលខាងមុខ៕
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ