BLACKPINK បំបែកឯតទគ្គកម្មពិភពលោក ជាក្រុមនារីមានការគាំទ្រច្រើនជាងគេលើ Spotify

កាលពីថ្ងៃទី ៨ ខែ មីនា ខាងកំណត់ត្រាពិភពលោក Guinness World Records បានប្រកាសជាផ្លូវការថា BLACKPINK បានទម្លាក់ក្រុមចម្រៀងនារីអង់គ្លេស Little Mix ក្រោយក្លាយជាក្រុមចម្រៀងស្រីដែលមានការពេញនិយមបំផុតរបស់ Spotify ។

BLACKPINK បានទទួលបានការស្ទ្រីមសរុបចំនួន ៨,៨៨០,០៣០,០៤៩ បទចម្រៀងកំពូលរបស់ពួកគេរួមមានបទ “How You Like That” ដែលមានអ្នកស្ទ្រីមចំនួន ៧៤៦,១៩៨,២៦៣ដង និងបទ “Kill This Love” ដែលមានអ្នកស្ទ្រីមចំនួន ៦៧២,០៨៤,៣៦០ដង ក៏ដូចជាបទ “DDU-DU DDU-DU”ដែល មានអ្នកស្ទ្រីមចំនួន ៥៧៤,៦១៣,៣៦២ដង ។

ជាមួយគ្នានេះ BLACKPINK បច្ចុប្បន្នទទួលបានកំណត់ត្រាពិភពលោកហ្គីណេសជាច្រើនផ្សេងទៀត រួមទាំង subscribers ច្រើនបំផុតនៅលើ Youtube ដែលជាក្រុម K-pop ដំបូងគេដែលឈានដល់លេខ ១ នៅលើតារាងអាល់ប៊ុមចក្រភពអង់គ្លេស និងក្រុម K-pop ដំបូងដែលឈានដល់លេខ ១ នៅ សហរដ្ឋអាមេរិក ។

យ៉ាងណាមិញ សមាជិក BLACKPINK ក៏បានបំបែកឯតទគ្គកម្មពិភពលោកនូវស្នាដៃផ្ទាល់ខ្លួនជាច្រើនផងដែរ ក្នុងឆ្នាំ ២០២១ សមាជិក Rosé បានក្លាយជាសិល្បករដំបូងគេដែលឈានដល់លេខ ១ នៅលើតារាង Billboard Global ជាមួយនឹងបទចម្រៀងដំបូងរបស់នាងដែលមានចំណងជើងថា “On The Ground” ខណៈដែល Lisa ទទួលបានពានរង្វាន់ Guinness World Records ថ្មីចំនួនបីនៅដើមឆ្នាំនេះ។

ប្រែសម្រួល៖នាងតូច

ចុចអាន៖អ្នកលេងអ៊ីនធឺណិតមិនពេញចិត្ត ពេលឃើញឈុតថើបគ្នារបស់ Song Hyekyo និង Song Joongki