Jennie ធ្វើឲ្យមហាជនភ្ញាក់ផ្អើលក្នុងព្រឹត្តិការណ៍បង្ហាញម៉ូដលំដាប់ពិភពលោកលើទឹកដី អាមេរិក

Jennie សមាជិកក្រុម BLACKPINK ធ្វើឲ្យមហាជនភ្ញាក់ផ្អើលយ៉ាងខ្លាំងជាមួយនឹងការបង្ហាញខ្លួនរបស់នាងក្នុងព្រឹត្តិការណ៍បង្ហាញម៉ូដដ៏ធំលំដាប់ពិភពលោក Met Gala 2023 នៅទឹកដីសហរដ្ឋអាមេរិក ។

ចំណែកប្រធានបទសម្រាប់ព្រឹត្តិការណ៍បង្ហាញម៉ូដលំដាប់ពិភពលោកដែលត្រូវបានធ្វើឡើងនៅសារមន្ទីរ Metropolitan Museum of Art ក្នុងទីក្រុងញូវយ៉កនៅឆ្នាំនេះវិញ គឺ “Karl Lagerfeld: A Line of Beauty” ហើយវាក៏ជាការបង្ហាញមុខលើកដំបូងរបស់ Jennie សមាជិកក្រុម BLACKPINK ផងដែរ នៅលើកម្រាលព្រំក្រហម Met Gala ។

ជាពិសេស តារាស្រីរូបនេះ បានបង្ហាញខ្លួនក្នុងឈុតដ៏ប្រណិតម៉ាក Chanel ពណ៌ស និងរចនាម៉ូដតុបតែងដោយផ្កាកុលាបពណ៌ស បូករួមនឹងការលេងស្តាយស្រោមដៃ ក្រណាត់ព័ទ្ធ ក ស្រោមជើង និងស្បែកជើងពណ៌ខ្មៅកាន់តែលេចធ្លោ ។

ទន្ទឹមនោះការបង្ហាញខ្លួនរបស់ Jennie ក៏ត្រូវបានកោតសរសើរដោយប្រព័ន្ធផ្សព្វផ្សាយរបស់សហរដ្ឋអាមេរិកផងដែរ ដោយដាក់រហស្សនាមថាជា “Human Chanel” ផងដែរ ។

ម៉្យាងវិញទៀត BLACKPINK គឺជាក្រុមចម្រៀងនារីកូរ៉េដំបូងគេដែលត្រូវបានដាក់ជាសិល្បការិនីឲ្យសម្តែងជួរមុខនៃមហោស្រពតន្ត្រី និងសិល្បៈ Coachella Valley ផងដែរ ៕

ប្រែសម្រួល៖នាងតូច

ចុចអាន៖តារា K-pop ៥ ដួង ផ្អាកសកម្មភាពក្នុងខែមេសា ដោយសារមានបញ្ហាសុខភាព