តារា K-pop ៥ ដួង ផ្អាកសកម្មភាពក្នុងខែមេសា ដោយសារមានបញ្ហាសុខភាព

ក្នុងខែមេសានេះ ព័ត៌មានផ្សេងៗរបស់តារា K-pop សម្រាប់ការប្រកាសផ្អាកសកម្មភាពបណ្តោះអាសន្ននពីការផ្សព្វផ្សាយសម្រាប់អាល់ប៊ុមរបស់ពួកគេ ដោយសារតែបញ្ហាសុខភាព កំពុងលេចឡើងជាច្រើន ហើយក៏ធ្វើឲ្យអ្នកគាំទ្រព្រួយបារម្ភផងដែរ ។

ខាងក្រោមនេះគឺជាតារា K-pop ៥ ដួង ផ្អាកសកម្មភាពក្នុងខែមេសា ដោយសារមានបញ្ហាសុខភាព៖

១. Rei សមាជិកក្រុម IVE

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការប្រកាសពី Starship នៅថ្ងៃទី ១១ ខែមេសា បានឲ្យដឹងថា Rei សមាជិកក្រុម IVE នឹងអវត្តមានជា បណ្តោះអាសន្នពីការផ្សព្វផ្សាយរបស់ក្រុមសម្រាប់អាល់ប៊ុមទី ១ របស់ពួកគេ ដោយសារតែរោគសញ្ញានៃចង្វាក់បេះដូងលោតញាប់ និងដង្ហើមខ្លី ។

២. Jaehyun សមាជិកក្រុម DOJAEJUNG NCT

នៅពាក់កណ្តាលខែមេសា ក្រុម DOJAEJUNG NCT បានប្រកាសលុបចោលព្រឹត្តិការណ៍សម្រាប់អាល់ប៊ុមតូចរបស់ពួកគេដែលមានឈ្មោះថា “Perfume” ដោយសារតែស្ថានភាពសុខភាពមិនអំណោយផលរបស់សមាជិក Jaehyun ។

៣. Seungkwan សមាជិកក្រុម SEVENTEEN

ថ្មីៗនេះ តារាចម្រៀងសំខាន់របស់ក្រុម SEVENTEEN គឺ Seungkwan ក៏មិនអាចចូលរួមក្នុងការ ថតនៅលើឆាករបស់ក្រុមក្នុងកម្មវិធីតន្ត្រី M! Countdown ផងដែរ ដោយសារតែសុខភាពមិនល្អ ។

៤. Jun Han សមាជិកក្រុម Xdinary Heroes

Jun Han នៃក្រុម Xdinary Heroes ត្រូវបានប្រកាសថានឹងឈប់សម្រាកពីសកម្មភាពក្រុម បន្ទាប់ពីជួបបញ្ហាសុខភាពពេលកំពុងរៀបចំសម្រាប់ការត្រលប់មកវិញរបស់ក្រុម ។ តាម​ការ​ធ្វើ​រោគវិនិច្ឆ័យ​ពី​មន្ទីរពេទ្យ តារា​ប្រុសរូបនេះ​ទំនងជា​មាន​ជំងឺ​រលាក​ខ្នែងពោះវៀន ហើយ​ត្រូវការ​ពេល​សម្រាក ។

៥. Joy សមាជិកក្រុម Red Velvet

នៅថ្ងៃទី ២៦ ខែមេសា ផលិតកម្ម SM Entertainment បានប្រកាសថា Joy សមាជិកក្រុម Red Velvet នឹងមិនអាចបង្ហាញខ្លួនក្នុងកាលវិភាគជាច្រើនបានទេ ដោយសារតារាស្រីរូបនេះត្រូវការការព្យាបាល និងសម្រាក បន្ទាប់ពីការពិនិត្យ និងពិគ្រោះយោបល់នៅមន្ទីរពេទ្យ ស្របតាមការណែនាំរបស់វេជ្ជបណ្ឌិត ។

កន្លងមកក្រុមហ៊ុនក៏បានបញ្ជាក់ផងដែរថា Joy នឹងមិនចូលរួមក្នុងការប្រគុំតន្ត្រីជប៉ុន “R to V” របស់ Red Velvet ដែលគ្រោងនឹងធ្វើឡើងនៅដើមខែឧសភានោះទេ ៕

ប្រែសម្រួល ៖ នាងតូច

ចុចអាន៖Baby Monster នឹងបង្ហាញខ្លួនជាក្រុមមានតែសមាជិក ៥ នាក់ប៉ុណ្ណោះ