ព័ត៌មានអន្ដរជាតិ

តាមការពិតនាយកប្រតិបត្តិក្រុមហ៊ុន OceanGate បំពានច្បាប់សាងសង់យានជ្រមុជទឹក Titan ទើបជួបគ្រោះថ្នាក់

បានផុស

២ years មុន

នៅ

ថ្ងៃសុក្រ ២៣ មិថុនា ២០២៣

ដោយ

អ្នកប្រើអ៊ីនធឺណិតជាច្រើនបានសម្រុកចែករំលែកឃ្លិបរបស់លោក Stockton Rush ជានាយកប្រតិបត្តិ Ocean Gate Expeditions នៃក្រុមហ៊ុនផ្តល់ជូននូវដំណើរទេសចរណ៍សមុទ្រជ្រៅ ដោយស្ដីបន្ទោសថាលោកគឺជាដើមហេតុដែលនាំឲ្យមានគ្រោះថ្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈឃ្លិបខ្លីមួយដកស្រង់ចេញពីប៉ុស្តិ៍ YouTube របស់តារាសម្តែងម៉ិកស៊ិកលោក Alan Estrada ចេញផ្សាយ កាលពីថ្ងៃទី ០៧ ខែ សីហា ឆ្នាំ ២០២១ និយាយអំពីការសាងសង់យានជ្រមុជទឹក Titan ដោយទទួលស្គាល់ថាបានបំពានច្បាប់មួយចំនួន ដូចជាការប្រើប្រាស់ការបញ្ចូលគ្នានៃជាតិសរសៃកាបូន និងទីតានីញ៉ូម ដែលត្រូវបានហាមឃាត់មិនឲ្យសាងសង់យានជ្រមុជទឹកជ្រៅ។

ក្នុងឃ្លិបនោះ អ្នកបើកយានជ្រមុជទឹកលោក Stockton Rush និយាយយ៉ាងច្បាស់ថា “ខ្ញុំចង់ឲ្យមនុស្សចងចាំខ្ញុំជាមនុស្សម្នាក់ដែលគិតរឿងថ្មី។ ខ្ញុំគិតថាប្រហែលជាឧត្តមសេនីយ៍ MacArthur ដែលបាននិយាយថា មនុស្សនឹងទទួលស្គាល់អ្នកចំពោះច្បាប់ដែលអ្នកបំពាន។ ដូច្នេះហើយ ខ្ញុំបានបំបែកច្បាប់មួយចំនួនដើម្បីបង្កើតវាឡើងមក។ ខ្ញុំគិតថាខ្ញុំបានបំពានច្បាប់ដោយមានតក្កវិជ្ជា និងចំណេះដឹងផ្នែកវិស្វកម្មរបស់ខ្ញុំ ដែលប្រើកាបូនសរសៃ និងទីតានីញ៉ូម មានច្បាប់មួយដែលខ្ញុំមិនអាចធ្វើបាន ប៉ុន្តែខ្ញុំធ្វើវា”។

យ៉ាងណាមិញ បន្ទាប់ពីបានស្ដាប់ឃ្លិបដ៏ខ្លីនោះរួច អ្នកប្រើអ៊ីនធឺណិតជាច្រើនបានចែករំលែកនិងបញ្ចេញមតិបន្ទោសទៅកាន់លោកលោក Rush ដែលហ៊ានល្មើសនឹងច្បាប់សាងសង់ដោយការរួមបញ្ចូលគ្នារវាងជាតិសរសៃកាបូនជាមួយទីតានីញ៉ូម ហើយវាបង្កហានិភ័យនៃអ្វីដែលហៅថាការ corrosion galvanic ។

ទោះបីជាយ៉ាងណាក៏ដោយ លោក Rush គឺជាសមាជិកនាវិកម្នាក់ ក្នុងចំណោមនាវិក ៥នាក់ ដែលបានស្លាប់ពេលនៅលើយានជ្រមុជទឹក Titan ដើម្បីរុករកបំណែកនៃកប៉ាល់ទីតានិក ក្រោយមកវាបានបាត់ការទាក់ទងជាមួយនាវានៅផ្ទៃខាងលើឈ្មោះ Polar Prince កាលពីព្រឹកថ្ងៃអាទិត្យទី១៨ ខែមិថុនា៕