នយោបាយ

សមាជិកបក្សនិងអ្នកគាំទ្រគណបក្សប្រជាជនកម្ពុជា ចាប់ផ្តើមតុបតែងរថយន្តដើម្បីចូលរួមដង្ហែក្បួនឃោសនារកសម្លេងគាំទ្រ

បានផុស

៣ years មុន

នៅ

ថ្ងៃពុធ ២៨ មិថុនា ២០២៣

ដោយ

ភ្នំពេញ ៖ នៅថ្ងៃទី២៨ ខែមិថុនានេះ នៅតាមបណ្តាទីស្នាក់ការគណបក្សប្រជាជនកម្ពុជារួមទាំងសមាជិកបក្សពិសេសបងប្អូនប្រជាពលរដ្ឋគាំទ្រគណបក្សប្រជាជនកម្ពុជា បានចាប់ផ្តើមតុបតែងរថយន្តយ៉ាងល្អស្អាត ដើម្បីចូលរួមដង្ហែក្បួនឃោសនារកសម្លេងគាំទ្រមុនពេលឈានទៅដល់ការបោះឆ្នោតជ្រើសរើសអ្នកតំណាងរាស្ត្រតាមបណ្តាគណបក្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រសាសន៍លោក ចេង មុនីរ៉ា ប្រធានគណៈកម្មការគណបក្សប្រជាជនកម្ពុជាខណ្ឌច្បារអំពៅបានឲ្យកម្ពុជាថ្មីដឹងថា នៅតាមទីស្នាក់ការគណបក្សប្រជាជនកម្ពុជាតាមបណ្តាភូមិសង្កាត់រួមទាំងទីស្នាក់ការធំគណបក្សខណ្ឌបានរៀបចំជាបណ្តើៗក្នុងនោះក៏មានការរៀបចំតុបតែងរថយន្តឯកជនដែលមានរូបសញ្ញាគណបក្សប្រជាជនកម្ពុជាដែលមានលេខរៀងទី១៨។

លោក ចេង មុនីរ៉ា បានបញ្ជាក់ទៀតថា ការរៀបចំជាមុននេះគឺមានបងប្អូនប្រជាពលរដ្ឋភាគច្រើនលើសលប់ដែលគាំទ្រគណបក្សប្រជាជនកម្ពុជា បានចាប់ផ្តើមតុបតែងរថយន្តតាំងពីព្រលឹមថ្ងៃទី២៨ខែមិថុនាដែលថ្ងៃកំណត់ក្នុងការដង្ហែក្បួនឃោសនារកសម្លេងគាំទ្រគឺចាប់ផ្តើមនៅថ្ងៃទី១ខែកក្កដានេះតទៅ។

បើតាមប្រភពពីប្អូនប្រុស សុខ កែវភក្ត្រា ដែលជាប្រជាពលរដ្ឋរស់នៅភូមិអូរអណ្តូង១ សង្កាត់ព្រែកប្រាខណ្ឌច្បារអំពៅរាជធានីភ្នំពេញបានឲ្យដឹងថា ប្អូនប្រុសនិងចូលរួមដង្ហែក្បួនឃោសនាជាមួយគណបក្សប្រជាជនកម្ពុជាដោយប្អូនកំពុងរៀបចំតុបតែងរថយន្តរបស់ប្អូនប្រុសរួចរាល់ជាមុន។ហើយក្នុងនោះក៏មានប្រជាពលរដ្ឋជាច្រើនក៏កំពុងនាំគ្នារៀបចំតុបតែងរថយន្តដើម្បីចូលរួមដង្ហែក្បួនឃោសនារកសម្លេងគាំទ្រដែលប្រព្រឹត្តិឡើងនៅថ្ងៃទី១ខែកក្កដាខាងមុខនេះ៕

ដោយ ៖ នរា