ឥទ្ធិពលនៃបម្រែបម្រួលអាកាសធាតុ បង្កផលប៉ះពាល់កាន់តែខ្លាំងដល់ ទ្វីបអាស៊ី

អង្គការឧតុនិយមពិភពលោក (WMO) និយាយថា ព្រឹត្តិការណ៍អាកាសធាតុធ្ងន់ធ្ងរ ចាប់ពីគ្រោះរាំងស្ងួតរហូតដល់ទឹកជំនន់ទ្រង់ទ្រាយធំ និងផលប៉ះពាល់ផ្សេងទៀតដែលបណ្តាលមកពីបម្រែបម្រួលអាកាសធាតុ កំពុងកើនឡើងខ្លាំងនៅទ្វីបអាស៊ី ហើយនឹងប៉ះពាល់ដល់សន្តិសុខស្បៀងអាហារ និងប្រព័ន្ធអេកូឡូស៊ីរបស់ទ្វីបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរបាយការណ៍ ដែលចេញផ្សាយនៅថ្ងៃព្រហស្បតិ៍ទី២៧ខែកក្កដា WMO និយាយថា អាស៊ីគឺជាតំបន់ដែលរងផលប៉ះពាល់ដោយគ្រោះមហន្តរាយខ្លាំងជាងគេលើពិភពលោក ពោលគឺគ្រោះមហន្តរាយទាក់ទងនឹងអាកាសធាតុចំនួន៨១លើក បានកត់ត្រាកាលពីឆ្នាំមុន ដែលភាគច្រើនជាគ្រោះទឹកជំនន់ និងខ្យល់ព្យុះ។

របាយការណ៍ខាងលើបន្តថា​ គ្រោះមហន្តរាយទាំងនេះ បានប៉ះពាល់ដោយផ្ទាល់ដល់មនុស្សជាង៥០លាននាក់ និងបណ្តាលឲ្យមនុស្សជាង ៥០០០នាក់ស្លាប់។

ទាំងនេះរាប់បញ្ចូលទាំងគ្រោះទឹកជំនន់អំឡុងរដូវភ្លៀងមូសុងក្នុងប្រទេសប៉ាគីស្ថាន និងការរលាយទឹកកកដែលបានសម្លាប់មនុស្សជាង១៥០០នាក់ផងដែរ។

ផ្ទុយទៅវិញ ប្រទេសចិនឯណោះវិញ បានទទួលរងគ្រោះរាំងស្ងួត ដែលប៉ះពាល់ដល់ការផ្គត់ផ្គង់ថាមពល និងលទ្ធភាពប្រើប្រាស់ទឹក។

របាយការណ៍របស់ WMO ក៏បានគូសបញ្ជាក់ផងដែរថា ផ្ទាំងទឹកកកភាគច្រើននៅតំបន់ជួរភ្នំខ្ពស់ៗអាស៊ី បានបាត់បង់ម៉ាស ជាលទ្ធផលបណ្តាលឲ្យអាកាសធាតុក្តៅនិងស្ងួតក្នុងឆ្នាំ២០២២៕

ប្រែសម្រួល៖ Vann Vann

ប្រភព៖ CNA

ចុចអាន៖ អ្នកវិទ្យាសាស្រ្តព្រមានថា ទៅថ្ងៃមុខ ពិភពលោក នឹងជួបរលកកម្តៅយ៉ាងធ្ងន់ធ្ងរ និងរដូវរងាដ៏សែនត្រជាក់