ស្បែកជើងប៉ាតា Apple ដាក់លក់ក្នុងតម្លៃរាប់ម៉ឺនដុល្លារ

ស្បែកជើងប៉ាតា Apple មួយគូត្រូវបានលក់នៅផ្ទះដេញថ្លៃ Sotheby’s តម្លៃ ៥០០០០ ដុល្លារ គឺជាតម្លៃខ្ពស់បំផុតក្នុងចំណោមផលិតផល Apple ទាំងអស់ ។

ដើមឡើយគេបង្កើតស្បែកជើងពណ៌សនេះដើម្បីផ្ដល់ជូនបុគ្គលិកក្នុងសន្និសិទ “ការលក់ខ្នាតជាតិ” តែម្ដងគត់ កាលពីពាក់កណ្តាលទសវត្សរ៍ឆ្នាំ ១៩៩០ ។ Sotheby’s បានឲ្យដឹងថា “ស្បែកជើងប៉ាតាពិសេសមួយគូនេះ មិនដែលបានទៅដល់សាធារណជនទូទៅទេ វាជាវត្ថុកម្របំផុតមិនធ្លាប់មាន” ។

គួរជម្រាបថា នៅឆ្នាំ ១៩៨៦ Apple បានចេញលក់សំលៀកបំពាក់ និងវត្ថុជាច្រើនមានឈ្មោះថា “The Apple Collection” រួមមានពែង ឆ័ត្រ កាបូប កូនសោរ និងក្ដារក្ដោង ដែលសុទ្ធតែមានស្លាកសញ្ញា Apple ឥន្ទធនូ ហើយមនុស្សដល់ទៅ ២២ ០០០ នាក់បានទិញអាវរបស់ Apple ។

ដោយឡែក ស្បែកជើងប៉ាតាខាងលើមិនមែនជាផលិតផល Apple ដំបូងគេដែលលក់ដាច់ក្នុងប៉ុន្មានខែថ្មីៗនេះទេ ។

ដំបូង iPhone ស៊េរីឆ្នាំ ២០០៧ ជំនាន់ទី ១ លក់បានជាង ១៩ ម៉ឺនដុល្លារ នៅឯការដេញថ្លៃកាលពីខែមុន ខណៈស្បែកជើង Birkenstock ចាស់មួយគូដែលជាកម្មសិទ្ធិរបស់សហស្ថាបនិក Appleគឺ Steve Jobs លក់បាន ២០ ម៉ឺនដុល្លារ នៅឯការដេញថ្លៃក្នុងខែវិច្ឆិកា ឆ្នាំ ២០២២ ៕

ប្រែសម្រួល៖ វារី

ប្រភព៖ CNN

ចុចអាន៖ ស្បែកជើងតម្លៃសមរម្យ ៤ ម៉ាក តារាល្បីអន្តរជាតិចូលចិត្តពាក់ជាប្រចាំ

ចុចអាន៖ ស្នាដៃចុងក្រោយលោក Gustav Klimt ក្លាយជាគំនូរថ្លៃបំផុតនៅអឺរ៉ុប