ព័ត៌មានជាតិ

ឯកឧត្ដម ហ៊ុន ម៉ានី អរគុណពលរដ្ឋខ្មែរទាំងអស់ ដែលផ្ដល់សេចក្ដីទុកចិត្តលើ គណបក្សប្រជាជនកម្ពុជា

បានផុស

៣ years មុន

នៅ

ថ្ងៃចន្ទ ២១ សីហា ២០២៣

ដោយ

ឯកឧត្ដម ហ៊ុន ម៉ានី ប្រធានគណៈកម្មការទី ៧ នៃរដ្ឋសភា នីតិកាលទី ៦ បានអរគុណដល់ប្រជាពលរដ្ឋខ្មែរទាំងអស់ ដែលផ្ដល់សេចក្ដីទុកចិត្តមកលើគណបក្សប្រជាជនកម្ពុជា តាមរយៈការចេញទៅបោះឆ្នោត និងបោះឆ្នោតជូនគណបក្ស ដើម្បីបន្តដឹកនាំរាជរដ្ឋាភិបាលក្នុងនីតិកាលថ្មីនេះតទៅទៀត។ នេះបើយោងតាមទំព័រហ្វេសប៊ុកផ្លូវការរបស់ ឯកឧត្ដម ហ៊ុន ម៉ានី បានបង្ហោះឲ្យដឹង នៅព្រឹកថ្ងៃទី ២១ ខែសីហា ឆ្នាំ ២០២៣ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្ដម ហ៊ុន ម៉ានី បានមានប្រសាសន៍ថា «ជាថ្មីម្ដងទៀត ខ្ញុំបាទ សូមថ្លែងអំណរគុណដល់បងប្អូនប្រជាពលរដ្ឋទាំងអស់ ដែលបានផ្ដល់សេចក្ដីទុកចិត្តមកលើគណបក្សប្រជាជនកម្ពុជា តាមរយៈការចេញទៅបោះឆ្នោត និងបោះឆ្នោតជូនគណបក្ស ដើម្បីគណបក្សបន្តដឹកនាំរាជរដ្ឋាភិបាលក្នុងនីតិកាលថ្មីនេះតទៅទៀត»។ ឯកឧត្ដម បន្ថែមថា «ជយោ! ព្រះរាជាណាចក្រកម្ពុជា!»។

ជាមួយគ្នានេះដែរ ឯកឧត្ដម ហ៊ុន ម៉ានី បានលើកឡើងថា ថ្ងៃទី ២១ ខែសីហា ឆ្នាំ ២០២៣ នេះ ជាការបើកទំព័រប្រវត្តិសាស្ត្រថ្មីមួយរបស់ «ព្រះរាជាណាចក្រកម្ពុជា» ដែលរដ្ឋសភានីតិកាលទី ៧ ប្រសូតចេញពីការបោះឆ្នោត កាលពីថ្ងៃទី ២៣ ខែកក្កដា ឆ្នាំ ២០២៣ កន្លងទៅ នឹងត្រូវប្រកាសសុពលភាពរបស់ខ្លួនមុនចូលបំពេញភារកិច្ចជូនជាតិ មាតុភូមិ។

ឯកឧត្ដម ហ៊ុន ម៉ានី សង្កត់ធ្ងន់ថា សម័យប្រជុំពេញអង្គលើកទី ១ ត្រូវបានប្រោសព្រះរាជទានយាងជាព្រះរាជាធិបតីដ៏ខ្ពង់ខ្ពស់បំផុតពី ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា។ ក្រោយប្រកាសសុពលភាព តំណាងរាស្ត្រទាំងអស់ នឹងត្រូវធ្វើសច្ចាប្រណិធាននៅព្រះទីនាំងទេវាវិនិច្ឆ័យ។ នេះជាដំណើរការទូទៅ និងជាប្រក្រតី នៃលទ្ធិប្រជាធិបតេយ្យ នៅកម្ពុជា៕

អត្ថបទ ៖ ពិសី

Related Topics:ឯកឧត្ដម ហ៊ុន ម៉ានី