កីឡា

លោក Félix បញ្ជាក់ថា ពិសាល និង តៃឡាម៉ី ផ្តល់អ្វីថ្មីដល់ក្រុមដែលកីឡាករផ្សេងមិនអាច

បានផុស

៣ years មុន

នៅ

ថ្ងៃអង្គារ ១២ កញ្ញា ២០២៣

ដោយ

លោក Félix Dalmás គ្រូបង្វឹកក្រុមបាល់ទាត់ជម្រើសជាតិកម្ពុជាបានដាក់កីឡាករ វ៉ាន់ តៃឡាម៉ី និង កាន់ ពិសាល ឲ្យលេងក្នុងជម្រើស១១នាក់ដំបូងពីរប្រកួតជាប់គ្នានៅពេលប្រកួតជាមួយហុងកុង និង ម៉ាកាវ ក្នុងជំនួបមិត្តភាពអន្តរជាតិ FIFA Days នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលសួរនៅក្នុងសន្និសីទសារព័ត៌មានក្រោយចប់ការប្រកួតជាមួយម៉ាកាវថា ហេតុអ្វីបានជាលោកដាក់ឲ្យកីឡាករទាំងពីរឲ្យលេងក្នុងជម្រើស១១នាក់ដំបូងរហូត? គ្រូបង្វឹកសញ្ជាតិអាហ្សង់ទីនបានឆ្លើយខ្លីថា ៖«វ៉ាន់ តៃឡាម៉ី និង កាន់ ពិសាល ហ្វឹកហាត់បានល្អ។ ពួកគាត់អាចផ្តល់នូវអ្វីថ្មីដល់ក្រុមដែលកីឡាករផ្សេងមិនអាចផ្តល់ឲ្យ»។

ជារួមលោក Félix Dalmás រីករាយចំពោះអ្វីដែលក្រុមជម្រើសជាតិកម្ពុជាបានបង្ហាញនៅលើទីលានប្រកបដោយស្មារតីក្រុម និងឆន្ទៈ ប៉ុន្តែលោកត្រូវការកែលំអពីមួយថ្ងៃទៅមួយថ្ងៃដើម្បីឲ្យក្រុមកម្ពុជាកាន់តែល្អប្រសើរ។

លទ្ធផល ៤-០ លើក្រុមម៉ាកាវនៅយប់ថ្ងៃចន្ទ ទី១១ ខែកញ្ញា ជាកំណត់ត្រាជ័យជម្នះលើកដំបូងរបស់លោក Félix Dalmás ដែលបានចូលខ្លួនមកដឹកនាំក្រុមជម្រើសជាតិកម្ពុជាឈុតធំជាលើកទី២កាលពីចុងខែឧសភា ឆ្នាំ២០២៣ បន្ទាប់ពីចាញ់បង់ក្លាដែស ០-១ និងស្មើហុងកុង ១-១ ក្នុងជំនួបមិត្តភាពអន្តរជាតិដូចគ្នា៕