វៀតណាម រឹបអូសទូរសព្ទ iPhone 15 ជាង ៤០ គ្រឿងនៅព្រលានយន្តហោះ

មន្ត្រីគយនៅអាកាសយានដ្ឋាន Tan Son Nhat និង Da Nang របស់វៀតណាមបានរឹបអូសយក iPhones 15 Pro Max ចំនួន ៤២ គ្រឿង ដែលនាំចូលពីប្រទេសថៃ និងសិង្ហបុរីដោយគ្មានការអនុញ្ញាត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃចន្ទ ទី២៥ ខែកញ្ញា មន្ត្រីនៅអាកាសយានដ្ឋានអន្តរជាតិ Da Nang ភាគកណ្តាលប្រទេសវៀតណាម បានរកឃើញបុរសជនជាតិថៃម្នាក់ ដែលធ្វើដំណើរមកពីទីក្រុងបាងកកក្នុងស្ថានភាពគួរឲ្យសង្ស័យ ។ ពួកគេបានឆែកមើលវ៉ាលិសរបស់គាត់ ទើបប្រទះឃើញ iPhone 15 Pro Max ចំនួន ២០ គ្រឿង ដែលសរុបជាទឹកប្រាក់ប្រហែល ២៨ ៦៧៦ ដុល្លារ ។

គួរឲ្យដឹងដែរថា អ្នកចូលមកប្រទេសវៀតណាមត្រូវបានអនុញ្ញាតឲ្យដាក់ ឬយកទូរស័ព្ទតាមខ្លួនតែ ២ គ្រឿងប៉ុណ្ណោះ ប៉ុន្តែទូរសព្ទទី ២ មិនអាចមានតម្លៃលើស ៤៣០ ដុល្លារឡើយ ។ ដូច្នេះចំពោះករណីខាងលើ មន្ត្រី​គយ​បាន​ប្រគល់​បុរស​ជនជាតិ​ថៃ​រូប​នេះ​ទៅឲ្យ​ប៉ូលិស​ដើម្បី​ធ្វើ​ការ​ស៊ើប​អង្កេត​បន្ត ។

ករណីមួយទៀតដែលបានកើតឡើងក្នុងថ្ងៃដដែល គេរកឃើញបុរសវៀតណាមម្នាក់លួចនាំចូល iPhone 15 ចំនួន ២២ គ្រឿងពីប្រទេសសិង្ហបុរី ដែលមានតម្លៃ ៣៦ ៨៣២ ដុល្លារ នៅអាកាសយានដ្ឋានអន្តរជាតិ Tran Nhat Son ខណៈបុរសនោះក៏ព្រមសារភាពប្រាប់ប៉ូលិសដែរថា ពិតជានាំចូលមកដើម្បីលក់បន្តពិតប្រាកដមែន ។

បញ្ហាចោទនៃករណីទាំង ២ ខាងលើ បណ្ដាលមកពីការចង់បាន iPhone 15 ដែលទើបតែចេញថ្មី ប៉ុន្តែនៅប្រទេសវៀតណាមមិនទាន់មានលក់ទេ ៕

ប្រែសម្រួល៖ វារី

ប្រភព៖ vnexpress

ចុចអាន៖ ប្រជាជន វៀតណាម សម្រុកកុម្ម៉ង់ទិញ iPhone 15 រហូតដាច់ស្តុក និងពន្យារពេលដឹកជញ្ជូន