តួឯកប្រុសរឿង “កប៉ាល់ទីតានិក” ណាត់ជួបផ្លូវការជាមួយតារាបង្ហាញម៉ូដក្មេងជាងខ្លួន ២៣ឆ្នាំ

តួឯកប្រុសក្នុងខ្សែភាពយន្តរឿង “កប៉ាល់ទីតានិក” លោក Leonardo DiCaprio ត្រូវបានប្រព័ន្ធផ្សព្វផ្សាយ Us Weekly រាយការណ៍ថា បានណាត់ជួបជាផ្លូវការជាមួយតារាបង្ហាញម៉ូដជនជាតិអ៊ីតាលីនាង Vittoria Ceretti ដែលមានវ័យជាងខ្លួន ២៣ឆ្នាំ។

តារាសម្តែងប្រុសវ័យ ៤៨ឆ្នាំ ត្រូវបានគេប្រទះឃើញជាលើកដំបូងជាមួយតារាម៉ូដែល Vittoria វ័យ ២៥ឆ្នាំ កាលពីដើមខែសីហា មុនពេលប្រភពជិតស្និទ្ធរបស់អ្នកទាំងពីរបញ្ជាក់ថា អ្នកទាំងពីរបានទាក់ទងជាផ្លូវការប៉ុន្មានខែមកហើយ ហើយពេលនេះពួកគេកំពុងរួមរស់ក្រោមដំបូលតែមួយ។

គួររំលឹកថា ក្នុងរយៈពេលប៉ុន្មានឆ្នាំថ្មីៗនេះ ពោលគឺមុនពេលមានទំនាក់ទំនងជាមួយ Vittoria  តួឯកប្រុសរឿង “កប៉ាល់ទីតានិក” ធ្លាប់ណាត់ជួបជាមួយតារាបង្ហាញម៉ូដវ័យក្មេងជាច្រើនរូបរួមមាន តារាបង្ហាញម៉ូដអាមេរិកាំង Gigi Hadid តារាបង្ហាញម៉ូដនូវែលសេឡង់ Georgia Fowler និងតារាបង្ហាញម៉ូដជនជាតិអាមេរិក Camila Morrone (២០១៨-២០២២) ៕

ប្រែសម្រួល៖ សន្យា

ចុចអាន៖ Selena Gomez លុប IG ចោល ព្រោះមហាជនថា មិនអើពើលើសង្គ្រាមអ៊ីស្រាអែល-ប៉ាឡេស្ទីន