ព័ត៌មានអន្ដរជាតិ

ស្រ្តី អាមេរិក អាយុ១១៤ឆ្នាំ ប្រាប់គន្លឹះអាយុវែង ក្រោយចូលកំណត់ត្រាពិភពលោក Guinness

បានផុស

២ years មុន

នៅ

ថ្ងៃអង្គារ ២៨ ឧសភា ២០២៤

ដោយ

យោងតាមសារព័ត៌មាន Longevi Quest បានបញ្ចាក់ថា នៅអាយុ ១១៤ ឆ្នាំ Elizabeth Francis បានក្លាយជាមនុស្សចាស់ជាងគេនៅអាមេរិក។ លោកយាយកើតនៅថ្ងៃទី ២៥ ខែកក្កដាឆ្នាំ ១៩០៩ នៅរដ្ឋ Louisiana ។ បន្ទាប់ពីម្តាយបានស្លាប់ គាត់និងបងប្អូនបង្កើតទាំងប្រាំនាក់រស់នៅកន្លែងផ្សេងៗគ្នា រហូតដល់គាត់មករស់នៅហ៊ូស្តុន ហើយបច្ចុប្បន្នគាត់មានចៅ៣នាក់ ចៅទួត៥នាក់ និងចៅលួត៤នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចៅស្រីម្នាក់បាននិយាយថា ជីដូនរស់នៅសាមញ្ញ មិនដែលរៀនបើកបរទេ។ ជាញឹកញយ គាត់ប្រើប្រាស់ការដឹកជញ្ជូនសាធារណៈ ប៉ុន្តែគាត់មិនដែលខកខានឱកាសទៅលេងកន្លែងផ្សេងៗជាមួយមិត្តភក្តិរបស់គាត់ឡើយ។

ចំពោះគន្លឹះនៃការរស់នៅដល់អាយុ១១៤ឆ្នាំ ដូចមនុស្សចាស់ជាច្រើនដែរ ស្ត្រីចំណាស់នេះមានអាថ៌កំបាំង ដូចជាការមិនជក់បារីជាដើម, កុំពិសារគ្រឿងស្រវឹង, ចូលគេងលឿន, កុំញ៉ាំអាហាររហ័ស, ទំនាក់ទំនងជាមួយមនុស្សជាច្រើនក្នុងសង្គម, មានគោលដៅក្នុងជីវិត និងដើរហាត់ប្រាណដើម្បីភាពរឹងមាំ។

ទោះយ៉ាងណាក៏ដោយ មានអាថ៌កំបាំងពិសេសមួយដែលធ្វើឲ្យលោកមានវ័យដល់ទៅ១១៤ឆ្នា នោះគឺបន្ថែមពោតបារាំងចូលទៅក្នុងអាហារប្រចាំថ្ងៃ។

តាមពិតទៅ ពោតបារាំង គឺជាបន្លែដែលអាចប្រៀបធៀបទៅនឹងយិនស៊ិនបៃតង ដែលនាំមកនូវអត្ថប្រយោជន៍ជាច្រើនដល់អ្នកទទួលទាន។ ផ្លែនីមួយៗសម្បូរទៅដោយសារធាតុចិញ្ចឹមដូចជា សូដ្យូម ៧ មីលីក្រាម ប៉ូតាស្យូម ២៩៩ មីលីក្រាម ជាតិសរសៃ ៣,២ ក្រាម ប្រូតេអ៊ីន ១,៩ ក្រាម ជាតិដែក វីតាមីន C វីតាមីន B៦ ម៉ាញ៉េស្យូម និងសារធាតុរ៉ែ ៥៧ មីលីក្រាម កាឡូរីទាប និងមិនមានកូលេស្តេរ៉ុល ឬខ្លាញ់ឆ្អែតដែលបង្កគ្រោះថ្នាក់ដល់រាងកាយ

ទន្ទឹមនឹងពោតបារាំងមានតម្លៃអាហារូបត្ថម្ភដែលបានរៀបរាប់ខាងលើ ដូច្នេះហើយ វាក៏នាំមកនូវអត្ថប្រយោជន៍ជាច្រើនដល់រាងកាយ។ វាជួយគ្រប់គ្រងជាតិស្ករក្នុងឈាម ល្អសម្រាប់ប្រព័ន្ធរំលាយអាហារ ព្យាបាលជំងឺសន្លាក់ និងបង្កើនភាពធន់របស់រាងកាយចំពោះសារធាតុគ្រោះថ្នាក់ ហើយក៏អាចជួយអ្នកសម្រកទម្ងន់យ៉ាងមានប្រសិទ្ធភាពផងដែរ។

យ៉ាងណាមិញ បន្ទាប់ពីបានដឹងនូវគន្លឹះដែលធ្វើឲ្យលោកយាយ Elizabeth Francis មានអាយុច្រើនហើយនៅតែមានសុខភាពល្អរឹងមាំនោះ តើអ្នកលេងអ៉ិនធើណេតជាច្រើនបានសម្រុកទៅបញ្ចេញមតិសរសើរ និងជូនពរលោកយាយឲ្យកាន់តែរឹងមាំ។ ជាពិសេស ពួកគេនឹងយកគម្រូតាមគាត់ ក្រោយបានដឹងពីអាថ៌កំបាំងនៃអាយុវែងជាដរាប៕