ជីវិតកម្សាន្ដ

ងិន ម៉ារ៉ាឌី ស្នើសុំចិត្តអ្នកគាំទ្រកុំរិះគន់ជាន់ពន្លិចបវរកញ្ញាចេញទៅប្រកួតលើឆាកអន្តរជាតិ

បានផុស

១១ ខែ មុន

នៅ

ថ្ងៃពុធ ២១ សីហា ២០២៤

ដោយ

អ្នកនាង ងិន ម៉ារ៉ាឌី ម្ចាស់មកុដ Miss Universe Cambodia 2021 បានចេញមុខស្នើសុំចិត្តអ្នកគាំទ្រ និងអ្នកនិយមតាមដានវិស័យបវរកញ្ញា កុំរិះគន់ដើម្បីជាន់ពន្លិចចំពោះបេក្ខភាពបវរកញ្ញាដែលចេញទៅប្រកួតលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខស្នើសុំពីសំណាក់តារាស្រីអ្នកនាង ងិន ម៉ារ៉ាឌី នេះ ធ្វើឡើងក្រោយពេលថ្មីៗ កន្លងទៅ បានផ្ទុះការវែកញែក និងរិះគន់បេក្ខភាពបវរកញ្ញាភេទទី ៣ កម្ពុជា ម៉ៃយ៉ា ដែលបាននិងកំពុងចេញទៅប្រកួតលើឆាកអន្តរជាតិ ខណៈមានអ្នកគាំទ្រមួយចំនួនអន់ចិត្តជុំវិញសម្ដីក្នុងបទសម្ភាសន៍ ជាមួយទូរទស្សន៍ថៃ កាលពីថ្មីៗ នេះ។

អ្នកនាង ងិន ម៉ារ៉ាឌី បានលើកឡើងថា «ខ្ញុំពិតជាមិនយល់ទាល់តែសោះ ហេតុអ្វីមនុស្សមួយចំនួននៅតែមិនបានយល់ពីទឹកចិត្ត ការលះបង់ និងភាពខិតខំប្រឹងប្រែងរបស់បេក្ខភាពទៅប្រកួតក្នុងកម្មវិធីនីមួយៗ មនុស្សមិនមែនទេវតាទេ កំហុសតែងតែកើតមានបន្តិចបន្តួចជារឿងធម្មតា ហេតុអ្វីចូលចិត្តម្ល៉េះអារបៀបរិះគន់ដើម្បីជាន់ពន្លិច ឬ bully គ្នាអីហ្នឹង»។

ម្ចាស់មកុដ Miss Universe Cambodia 2021 អ្នកនាង ងិន ម៉ារ៉ាឌី បន្តទៀតថា «អំឡុងការប្រកួត បេក្ខភាពគឺត្រូវការបំផុតការលើកទឹកចិត្តពីសំណាក់មិត្តអ្នកគាំទ្រ សុំទោសបើខ្ញុំនិយាយខុស Keep fighting Maiya-ម៉ៃយ៉ា»។ ចំណែកឯ កញ្ញា ម៉ៃយ៉ា ក៏បានចេញមុខសុំទោសអ្នកគាំទ្រផងដែរ ចំពោះកំហុសឆ្គងរបស់ខ្លួន។

ម៉ៃយ៉ា បានឲ្យដឹងថា «ខ្ញុំដឹងថាពេលនេះខ្ញុំនិយាយអ្វីក៏ខុសដែរ ដូច្នេះហើយសុំចិត្តបងប្អូន បើមិនគាំទ្រខ្ញុំ ក៏សូមបញ្ចប់រាល់ការជម្លោះផ្សេងៗ មិនថា Fan នាងខ្ញុំ ឬ Fan អ្នកផ្សេងក៏ដោយ ដោយសារពេលនេះនាងខ្ញុំកំពុងប្រកួតតំណាងឲ្យប្រទេសអ៊ីចឹង នាងខ្ញុំចង់ផ្ដោតអារម្មណ៍លើការប្រកួតឲ្យបានច្រើន»៕

អត្ថបទ ៖ ចាន់រ៉ា