សេដ្ឋកិច្ច

រថភ្លើងល្បឿនលឿនដែលទិញពីជប៉ុន បើកទទួលកក់សំបុត្រដឹកភ្ញៀវ ក្នុងឱកាសបុណ្យភ្ជុំបិណ្ឌ

បានផុស

២ years មុន

នៅ

ថ្ងៃសុក្រ ២៧ កញ្ញា ២០២៤

ដោយ

រថភ្លើងល្បឿនលឿន Kiha របស់កម្ពុជាដែលទើបទិញមកពីប្រទេសជប៉ុនបើកទទួលកក់សំបុត្រដឹកភ្ញៀវសាកល្បងពីរាជធានីភ្នំពេញទៅកាន់ខេត្តគោលដៅចំនួន ២ គឺខេត្តព្រះសីហនុ និងខេត្តពោធិ៍សាត់ក្នុងកាសបុណ្យភ្ជុំបិណ្ឌ។ ទូរថភ្លើងនេះ គឺជាការជំនួសទូរថភ្លើងដែលកំពុងដំណើរការស្រាប់រាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាលវិភាគរបស់ក្រុមហ៊ុន រ៉ូយ៉ាល់ រេលវេ (RRC) ការបើកដំណើរការនឹងធ្វើឡើងរយៈពេល ៣ ថ្ងៃ គឺជាការជំនួសទូរថភ្លើងដែលកំពុងដំណើរការស្រាប់រាល់ថ្ងៃ ចាប់ពីថ្ងៃទី ៣០ ខែកញ្ញា ឆ្នាំ ២០២៤ រហូតដល់ថ្ងៃទី ០២ ខែតុលា។

កាលបរិច្ឆេទចាប់ផ្ដើមចេញដំណើរនៅថ្ងៃទី ៣០ ខែកញ្ញាពីភ្នំពេញ-ព្រះសីហនុ វេលាម៉ោង ៧ ព្រឹក តម្លៃសំបុត្រ ១០ ដុល្លារ។ ថ្ងៃទី ០១ ខែតុលា (ភ្នំពេញ-ពោធិ៍សាត់) ចេញដំណើរម៉ោង ៦៖៤០ នាទីព្រឹក និងថ្ងៃទី ០២ ខែតុលា ឆ្នាំ ២០២៤ ធ្វើដំណើរចេញពីភ្នំពេញ-ពោធិ៍សាត់ វេលាម៉ោង ៦៖៤០ តម្លៃសំបុត្រ ៧ ដុល្លារ។

សូមជំរាបថា ក្រុមហ៊ុន Royal Railway Cambodia ជាក្រុមហ៊ុន របស់អ្នកឧកញ៉ា គិត ម៉េង បានបញ្ជាទិញក្បាលរថភ្លើងល្បឿនលឿន ពីប្រទេសជប៉ុន ចំនួន ១១ គ្រឿង កាលពីថ្ងៃទី ២៧ ខែមេសា ឆ្នាំ ២០២៤។

ក្បាលរថភ្លើងល្បឿនលឿនរបស់ជប៉ុនម៉ាក KiHa 183 Series DMU អាចរត់បានល្បឿនដល់ ១១០គីឡូម៉ែត្រក្នុងមួយម៉ោង៕