ព័ត៌មានអន្ដរជាតិ

វិស័យសណ្ធាគារវៀតណាម ព្រួយបារម្ភពីការចំណាយកាន់តែច្រើន

បានផុស

២៤ នាទីutes មុន

នៅ

ថ្ងៃសុក្រ ៩ ឧសភា ២០២៥

ដោយ

កាសែតវៀតណាមបានចុះផ្សាយថា ឧស្សាហកម្មសណ្ឋាគាររបស់វៀតណាម កំពុងបង្ហាញពីសញ្ញាខ្លាំងនៃការស្ទុះងើបឡើងវិញ ដោយកំណើននៃការមកដល់របស់ភ្ញៀវទេសចរអន្តរជាតិ ប៉ុន្តែអ្នកជំនាញព្រមានថា វិស័យនេះក៏ប្រឈមមុខនឹងបញ្ហាផងដែរ ជាពិសេសពាក់ព័ន្ធនឹងការគ្រប់គ្រងការចំណាយ ដែលកាន់តែច្រើនសម្រាប់ប្រតិបត្តិការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុប្រធានសមាគមទេសចរណ៍វៀតណាម និងជាប្រធានសមាគមសណ្ឋាគារវៀតណាម លោកស្រី Đỗ Hồng Xoan បានឱ្យដឹងថា សណ្ឋាគារ និងរមណីយដ្ឋាននានានៅទូទាំងប្រទេសវៀតណាម បន្តប្រឈមមុខនឹងការចំណាយខ្ពស់លើវត្ថុធាតុដើម ឧបករណ៍ និងអាហារ រួមជាមួយនឹងទីផ្សារការងារដែលមិនស្ថិតស្ថេរ។

លោកស្រី Xoan បាននិយាយថា ការរំពឹងទុករបស់អតិថិជនជុំវិញគុណភាពសេវាកម្មកំពុងកើនឡើងយ៉ាងឆាប់រហ័ស ដែលបន្ថែមសម្ពាធលើប្រតិបត្តិករសណ្ឋាគារ។

ការកាត់បន្ថយការចំណាយប្រកបដោយតុល្យភាព ការលើកកម្ពស់គុណភាពសេវាកម្ម ការគ្រប់គ្រងធនធានមនុស្សប្រកបដោយប្រសិទ្ធភាព និងការបង្កើនប្រាក់ចំណូល ខណៈធានានូវប្រាក់ចំណូលកាន់តែប្រសើរសម្រាប់បុគ្គលិក គឺជាបញ្ហាប្រឈមដ៏ស្មុគស្មាញដែលអាជីវកម្មសណ្ធាគារវៀតណមត្រូវប្រុងប្រយ័ត្ន៕