ព័ត៌មានជាតិ

សមាជិក ប.ស.ស ត្រូវភ្ជាប់ឯកសារ និងបំពេញលក្ខខណ្ឌមួយចំនួន ទើបអាចស្នើសុំប្រាក់សោធនជរាភាព ឬ ប្រាក់ចូលនិវត្តន៍បាន

បានផុស

១ year មុន

នៅ

ថ្ងៃពុធ ២៨ ឧសភា ២០២៥

ដោយ

បេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្ដុះបណ្ដាលវិជ្ជាជីវៈ បានឲ្យដឹងថា សមាជិក ប.ស.ស ត្រូវភ្ជាប់ឯកសារសំខាន់ៗ និងបំពេញលក្ខខណ្ឌកំណត់មួយចំនួន ទើបអាចស្នើសុំប្រាក់សោធនជរាភាព(ប្រាក់ចូលនិវត្តន៍ ឬប្រាក់រ៉ឺត្រែត) បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម ប.ស.ស ឯកសារសំខាន់ៗ ដែលសមាជិក ប.ស.ស ត្រូវភ្ជាប់មកជាមួយរួមមាន ៖ ប័ណ្ណសមាជិក ប.ស.ស , អត្តសញ្ញាណប័ណ្ណសញ្ជាតិខ្មែរច្បាប់ដើម (មានសុពលភាព) ឬ លិខិតឆ្លងដែន (ជនបរទេស) , សេចក្តីចម្លងសំបុត្រអាពាហ៍ពិពាហ៍ និងសេចក្តីចម្លងសំបុត្របញ្ជាក់កំណើតកូន (បើមានកូន) , លេខគណនីធនាគារអេស៊ីលីដា (មិនមែនលេខអេស៊ីលីដាទាន់ចិត្ត) ឬ លេខគណនីធនាគារ កាណាឌីយ៉ា។

ដោយឡែក លក្ខខណ្ឌកំណត់មួយចំនួនដែលសមាជិក ប.ស.ស ត្រូវបំពេញ ដើម្បីមានសិទ្ធិទទួលបានប្រាក់សោធនជរាភាព (ប្រាក់ចូលនិវត្តន៍ ឬប្រាក់រ៉ឺត្រែត) រួមមានដូចជា ៖ បានចុះបញ្ជីនៅ ប.ស.ស ផ្នែកប្រាក់សោធន , បានបង់ភាគទានមក ប.ស.ស បានយ៉ាងតិច ១២ ខែ , និងមានអាយុយ៉ាងតិច ៦០ ឆ្នាំ។ សម្រាប់ព័ត៌មានបន្ថែម សូមទំនាក់ទំនងមកលេខ ១២៩៧ ឬ ១២៨៦។

គួរបញ្ជាក់ថា បេឡាជាតិសន្តិសុខសង្គម (ប.ស.ស) ជាគ្រឹះស្ថានសាធារណៈរដ្ឋបាល មានភារកិច្ចគ្រប់គ្រង និងចាត់ចែងរបបសន្តិសុខសង្គម អនុលោមតាមច្បាប់ស្ដីពីរបបសន្តិសុខសង្គម ដែលរួមមាន ផ្នែកប្រាក់សោធន ផ្នែកថែទាំសុខភាព ផ្នែកហានិភ័យការងារ និងផ្នែកនិកម្មភាពការងារ សម្រាប់បុគ្គលស្ថិតក្នុងវិស័យសាធារណៈ បុគ្គលទាំងឡាយស្ថិតក្រោមបទប្បញ្ញត្តិ នៃច្បាប់ ស្ដីពីការងារ ដោយរួមបញ្ចូលទាំងបុគ្គលិកធ្វើការតាមផ្លូវអាកាស និងនាវាសមុទ្រ ព្រមទាំងអ្នកបម្រើក្នុងផ្ទះ និងបុគ្គលស្វ័យនិយោជន៍៕

អត្ថបទ ៖ ពិសី