កីឡា

ក្រុមគោព្រៃនារីកម្ពុជា ត្រៀមខ្លួនរួចរាល់ប៉ះ ហ្វីលីពីន ជាការប្រកួតដ៏សំខាន់យប់នេះ

បានផុស

១០ ខែ មុន

នៅ

ថ្ងៃពុធ ២ កក្កដា ២០២៥

ដោយ

ក្រុមបាល់ទាត់ជម្រើសជាតិនារីកម្ពុជា បានហ្វឹកហាត់យ៉ាងដិតដល់សម្រាប់ការត្រៀមខ្លួនប្រកួតជាមួយក្រុមបាល់ទាត់នារីហ្វីលីពីន ចំពោះការប្រកួត លើកទី២ វគ្គជម្រុះក្នុងពូល G នៃពានរង្វាន់បាល់ទាត់នារីអាស៊ី AFC WOMEN ASIAN CUP AUSTRALIA 2026 QUALIFIERS វេលាម៉ោង ៧ យប់ថ្ងៃទី ២ ខែកក្កដា ឆ្នាំ ២០២៥ នៅពហុកីឡដ្ឋានជាតិអូឡាំពិក។

វាជាការប្រកួតដ៏សំខាន់សម្រាប់ម្ចាស់ផ្ទះនារីកម្ពុជា បន្ទាប់ពីការប្រកួតបើកឆាករកបាន ១ពិន្ទុ ពីការស្មើនឹងក្រុមនារី ហុងកុង ខណៈ ហ្វីលីពីន រកបាន ៣ ពិន្ទុ ពីការឈ្នះ ក្រុមនារីអារ៉ាប៊ីសាអ៊ូឌីត។ ការប្រកួតនេះ ក្រុមនារីកម្ពុជាបានត្រៀមរួចរាល់ ទាំងបច្ចេកទេស កម្លាំងកាយ និងស្មារតីក្រុម បើទោះគូប្រកួតមានកាយសម្បទាធំខ្ពស់ក៏ដោយ ប៉ុន្តែក្រុមទាំងមូលនឹងប្រឹងឱ្យអស់ពីសមត្ថភាព ដើម្បីយកជ័យជម្នះជូនប្រទេសជាតិ និងអ្នកគាំទ្រទូទាំងប្រទេស។

លោក ឃួន ឡាបូរ៉ាវី គ្រូជំនួយក្រុមជម្រើសជាតិនារីកម្ពុជាបានលើកឡើងថា ៖«យើងជឿជាក់លើកូនក្រុម សម្រាប់ការប្រកួតយប់នេះ ទោះជាឧបសគ្គយ៉ាងណាក៏ដោយ តែយើងបានត្រៀមខ្លួនរួចរាល់សម្រាប់ទប់ទល់ និងវាយបកទៅគូប្រកួតវិញ»។

ព្រឹត្តិការណ៍បាល់ទាត់នារីអន្តរជាតិនៅលើទឹកដីកម្ពុជានេះ អ្នកគាំទ្រតែងតែឃើញវត្តមានរបស់ក្រុមហ៊ុន វឌ្ឍនៈ ដែលជាក្រុមហ៊ុនរបស់កូនខ្មែរ ចូលរួមចំណែកឧបត្ថម្ភលើការរប្រកួតផងដែរ។ នេះពិតជាបានលើកស្ទួយដល់វិស័យកីឡានៅកម្ពុជា ទាំងក្រុមបាល់ទាត់បុរស និងបាល់ទាត់នារីកម្ពុជា។ ពិសេសគ្រប់សកម្មភាពកីឡាជាច្រើនផ្សេងទៀត មិនថាកីឡាថ្នាក់ក្រោមជាតិ ថ្នាក់ជាតិ និងអន្តរជាតិ។

ចំពោះការប្រកួត វគ្គជម្រុះ AFC Women’s Asian Cup Australia 2026 Qualifiers ក្នុងពូល G នេះ ក្រុមហ៊ុន វឌ្ឍៈ ក៏បានបន្តឧបត្ថម្ភដល់ការប្រកួតពានរង្វាន់លំដាប់អាស៊ីមួយនេះ បន្តរីករាយជាមួយអ្នកគាំទ្រ។

ក្រោយបញ្ចប់ ២ប្រកួតកន្លងទៅ ក្រុមបាល់ទាត់ជម្រើសជាតិនារីកម្ពុជា បានបង្ហាញគុណផលយ៉ាងល្អ ដែលក្រុមនារីកម្ពុជា មិនធ្លាប់ទទួលបានពីមុនមក។ នេះក៏ជាប្រវត្តិសាស្ត្រថ្មីមួយសម្រាប់បាល់ទាត់នារីកម្ពុជាលើឆាកអន្តរជាតិ ស្របពេលសន្ទុះអ្នកគាំទ្រក៏ហាក់បីដូចជាកំពុងកើនឡើង ដែលជាការកក់សម្គាល់ដ៏ល្អមួយសម្រាប់វិស័យបាល់ទាត់នៅកម្ពុជា។

រាត្រីនេះ អ្នកគាំទ្រនឹងបន្តចូលរួមស្រែកហ៊ោជាមួយគ្នា ជាកម្លាំងចិត្តមួយដ៏ធំធេងដល់ក្រុមជម្រើសជាតិនារីកម្ពុជា ព្រមទាំងបន្តគាំទ្រផលិតផលក្នុងស្រុកដ៏មានគុណភពរបស់ក្រុមហ៊ុន វឌ្ឍនៈ ដូចជាភេសជ្ជៈកីឡាបំពេញជាតិទឹកដំបូងគេរបស់ប្រទេសកម្ពុជាគឺ ភេសជ្ជៈកីឡា វី-អាកទីវ ទឹកពិសាប្រណីត វី-អាកទីវ ភេសជ្ជៈប៉ូវកម្លាំងគ្រុឌ ដែលជួយបំពេញជាតិទឹក ផ្តល់ភាពស្រស់ស្រាយ និងថាមពល។

កុំភ្លេចវេលាម៉ោង ៧ យប់នេះ នៅពហុកីឡដ្ឋានជាតិអូឡាំពិក សូមចូលរួមទ្សសនាឱ្យបានច្រើនកុះករ បន្តគាំទ្រជាមួយគ្នា គាំទ្រជាមួយ វឌ្ឍនៈ។ លីគកម្ពុជាខ្លាំង ជម្រើសជាតិខ្លាំង៕