ព័ត៌មានជាតិ

សម្ដេច ម៉ែន សំអន ៖ ការមូលមតិគ្នាកសាងសមិទ្ធផលថ្មីនេះឡើង ដើម្បីទុកជាទីសក្ការៈ និងទុកជាមជ្ឈមណ្ឌលវប្បធម៌ សាសនា ប្រែក្លាយតំបន់នេះជាតំបន់ទេសចរណ៍

បានផុស

១១ ខែ មុន

នៅ

ថ្ងៃព្រហស្បតិ៍ ២១ សីហា ២០២៥

ដោយ

សម្ដេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានក្រុមប្រឹក្សាជាតិរណសិរ្ស សាមគ្គី អភិវឌ្ឍន៍មាតុភូមិកម្ពុជា បានថ្លែងថា ការមូលមតិគ្នាកសាងនូវសមិទ្ធផលថ្មីនេះឡើង ដើម្បីទុកជាទីសក្ការៈ និងទុកជាមជ្ឈមណ្ឌលវប្បធម៌ សាសនា ហើយប្រែក្លាយតំបន់នេះក្លាយទៅជាតំបន់ទេសចរណ៍ប្រកបដោយភាពទាក់ទាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចកិត្តិសង្គហបណ្ឌិត ម៉ែន សំអន ថ្លែងបែបនេះ ក្នុងពេលអញ្ជើញជាអធិបតីក្នុងពិធីអភិសេកព្រះសេអាមេត្រី ដែលមានទីតាំងស្ថិតនៅភ្នំម្រោម ស្រុកអង្គរជ័យ ខេត្តកំពត កាលពីព្រឹកថ្ងៃពុធ ១១រោច ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែសីហា ឆ្នាំ២០២៥។

សម្ដេចកិត្តិសង្គហបណ្ឌិត ម៉ែន សំអន បានថ្លែងថា សមិទ្ធផលថ្មីនេះ មិនត្រឹមចាត់ទុកជាទីសក្ការៈ និងទុកជាមជ្ឈមណ្ឌលវប្បធម៌ សាសនា ប៉ុណ្ណោះទេ ក៏បានប្រែក្លាយតំបន់នេះទៅជាតំបន់ទេសចរណ៍ប្រកបដោយភាពទាក់ទាញ ពិសេសបានចូលរួមចំណែកនៅក្នុងការលើកស្ទួយខេត្តកំពតតែម្ដង។

សូមជម្រាបផងដែរថា ព្រះសេអាមេត្រី បានចំណាយពេលសាងសង់អស់រយៈពេល១០ខែ និងចំណាយថវិកាអស់ ៩ម៉ឺន៧ពាន់ដុល្លារ ក្រោមគំនិតផ្តួចផ្ដើមកសាងដោយ សម្ដេចកិត្តិសង្គហបណ្ឌិត ម៉ែន សំអន រួមជាមួយ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ព្រមទាំងពុទ្ធបរិស័ទជិតឆ្ងាយទាំងអស់ បានមូលមតិគ្នាកសាងនូវសមិទ្ធផលថ្មីនេះឡើង ដើម្បីទុកជាទីសក្ការៈ និងទុកជាមជ្ឈមណ្ឌលវប្បធម៌ សាសនា។ ម្យ៉ាងទៀត ក៏បានប្រែក្លាយតំបន់នេះក្លាយទៅជាតំបន់ទេសចរណ៍ប្រកបដោយភាពទាក់ទាញ ពិសេសបានចូលរួមចំណែកនៅក្នុងការលើកស្ទួយខេត្តកំពត ក៏ដូចជាការលើកស្ទួយនូវវិស័យព្រះពុទ្ធសាសនានៅកម្ពុជាឱ្យកាន់តែមានភាពរីកចម្រើនបន្ថែមទៀតផងដែរ៕

អត្ថបទ ៖ វិមាន